1 Korenti 3:9 - Uwumbɔr aagbaŋ

⁹ Ba pu? ti ni Uwumbɔr kpaan le ki tun lituln. Ni bi le ke Uwumbɔr aasaak na. Ni bi le ke Uwumbɔr aadiik na.

UWONBƆR A GBƆNPƆŊ LIKƆƆNL

⁹ Tim le ye Uwonbɔr a toon tun tab; nim le ye Uwonbɔr a kpaab ki ji ye Uwonbɔr a diig.

1 Korenti 3:9 ပူးပေါင်းရင်းမြစ်များ

Ilahn 118:22

Litakpal li bidimaab yii li na, lima le ye litakpajal.

Ilahn 72:16

Cha tijikaar li bi waatiŋ pu; cha tijikaar li bi ŋigongon pu, ke Lebanonn aagongon pu na. Cha binib li gbii ntim ponn ni, ke timoor aah gbii ikpaakon ni pu na.

Ŋiyataŋak 9:1

Nlan le maa lidichal, le ki maa ŋitakpal aajaatɔlk tiib bilole kiir lidichal ngbaan.

Aisaya 32:20

nimi tee ga li kpa mpopiin, nimi aajikaar ga kan nnyun, le timoor mu ga li bi ni kookoo nimi aawakor ŋmɔ.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Aisaya 61:5

Maanib, biwɔwɔm le ga li ye nimi aanaagbiib. Bima le ga li kpaa nimi aawakor, ki ko nimi aasar, ni nimi aadaan aasui aasar ni.

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Matiu 15:13

Le u bui bi, “Tisufar timɔk Nte Uwumbɔr aa bun ti na, u ga chuu ŋɔi ti la.

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Matiu 9:37

Le u bui waadidiliib, “Idi biir a, ki wiir. Bidicheeliib ma aa wiir.

Tibɔnyaan ti Mak ŋmee ti na 16:20

Le waadidiliib buen ŋipepel mɔmɔk ni, ki ti tuk binib tibɔnyaan tee. Le Tidindaan ter bi, ki cha bi tun lijinjiir aatun. Baah tun lijinjiir aatun na, nima le mɔk binib ke baah len tibɔnyaan ti na, ti gbii. Amii.]

Lituln 4:11

Yesu aabɔr ŋmee Uwumbɔr Aagbaŋ ni ke, ‘Litakpal li bidimaab yii li na, lima le ye litakpajal.’

1 Korenti 3:16

Naa nyi ke ni ye Uwumbɔr aadiik aa? Naa nyi ke Uwumbɔr Aafuur Nyaan bi ni ni ii?

1 Korenti 3:6

Min le bun tijikaar, le Apolos ŋani nnyun; Uwumbɔr le cha ti punni ki muuni.

1 Korenti 6:19

Naa nyi ke nimi aawon ye Uwumbɔr Aafuur Nyaan aadiik la aa? Uwumbɔr tii nimi Waafuur Nyaan, le mu bi ni ni.

2 Korenti 6:1

Timi bi kpaan Uwumbɔr chee ki tun waatuln na le gaŋni nimi, ni taa gaa Uwumbɔr aaterm yɔli.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Kolosiya 2:7

ki too chuu u ke busub aanyaan aah koo kitiŋ pu na, ki li bae waabɔr n‑yoonn mɔmɔk, ki gaa ti ki kii mbamɔm, taah nan tuk nimi pu na, ki li dooni u n‑yoonn mɔmɔk.

1 Timoti 3:15

m yaa yunn kan, aa ga bee mbimbin mu ŋan tii Uwumbɔr Aadichal ni aanib, bi ye Uwumbɔr u ye limɔfadaan na aanib na. Waabɔr ti ye mbamɔn na bi biŋaal ni la, le bi joo ti.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

3 Jɔnn 1:8

Nima pu, ni ŋan ke timi bi dii Yesu aasan na li ter bi. Ti yaa ter bi kan, ti ter bi ke bi tuk binib Yesu aabɔr ti ye mbamɔn na la.