1 Korenti 3:6 - Uwumbɔr aagbaŋ

⁶ Min le bun tijikaar, le Apolos ŋani nnyun; Uwumbɔr le cha ti punni ki muuni.

UWONBƆR A GBƆNPƆŊ LIKƆƆNL

⁶ Min le nan bun iwanbool, le Apolosi mu wur nnyum amaa Uwonbɔr le che ni pan ki yabig.

1 Korenti 3:6 ပူးပေါင်းရင်းမြစ်များ

Ilahn 127:1

Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ilahn 62:9

Unibɔn naahn litakpiln libaa aabuln la; binikpaam ni biwaatiib mɔmɔk aa kpa tinyoor. Di bi tɔŋ likakl pu, le aa ga bee ke baa nyuun kpala, libuln nyuun jer bi.

Ŋiyataŋak 11:25

Li kpa tiŋann sakpen aan ki moo kan liwangol. Ter biken aan ki mu kan nterm.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Lituln 11:18

Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

Lituln 14:27

Baah fuu ni na, le bi yin Yesu aanib ke bi kuun ni, le ki tuk bi tiwan nimɔk Uwumbɔr cha bi ŋa na, ki tuk bi waah ŋa pu ki tii binib bi kaa ye Juu yaab na nsan ke bi gaa Yesu ki kii na.

Lituln 16:14

Upii ubaa nan bi nima ki ŋun taah len pu na. Bi nan yin u ke Lidia. U nan ye Tiataira aatiŋ aapii la, ki chuun kooh ŋitanyaan aakeken ŋi kpa kidaak na. U nan ye upii u pak Uwumbɔr na la. Le Tidindaan piir usui ke u pel mbamɔm, ki gaa Pɔɔl aah len pu na.

Lituln 18:24

Juu yaab aanii ubaa nan bi, bi yin u ke Apolos. Bi nan ma u Aleksandria aatiŋ ni la. Le u dan Efesus aatiŋ ni. U nan ye unii u nyi tibɔr aalem na, ki nyi tibɔr ti ŋmee Uwumbɔr Aagbaŋ ni na mbamɔm.

Lituln 19:1

N‑yoonn mu Apolos nan laa bi Korint aatiŋ ni na, le Pɔɔl bɔ dii ŋijoo aatiŋ ni, ki ti fuu Efesus aatiŋ ni. Waah ti fuu nima na, le u kan Yesu aanib bibaa.

Lituln 21:19

Le Pɔɔl doon bi, ki ŋeer tuk bi Uwumbɔr aah ŋa tiwan nimɔk na, binib bi kaa ye Juu yaab na aakaasisik ni, uma Pɔɔl aatuln pu.

Rom Yaab 15:18

M ban m tuk nimi Kristo aah cha m tun lituln pu na la. Maan len biken aatuln pu. U cha m tuk binib bi kaa ye Juu yaab na waabɔr ki tun lijinjiir aatun, ke bi kii waamɔb.

1 Korenti 1:12

Maah len pu na le ye ke ubaa len ke u dii Pɔɔl la, uken mu len ke u dii Apolos la, uken mu len ke u dii Piita la, uken mu len ke u dii Kristo la.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

1 Korenti 3:22

Min Pɔɔl, ni Apolos, ni Siifas, ni dulnyaa wee, ni limɔfal, ni nkun, ni tiwan ni bi dandana na, ni tiwan ni ga li bi n‑yoonn mu choo na mɔmɔk ye nimi yaan la. Ni mu ye Kristo yaab la.

1 Korenti 3:7

Nima na, unii u bun na, ni unii u ŋani nnyun na, aa ye nibaa. Uwumbɔr u cha ti punni ki muuni na, uma le ye u nyuun na.

1 Korenti 9:1

Tɔ, maa ye Yesu aakpambal aa? Maa yeh mbaa aa? Maa kan Tidindaan Yesu uu? Naah gaa Yesu ki kii na, maatuln le na Tidindaan pu.

Efesusi 3:17

ki ki mee u ke Kristo li bi nisui ni, naah gaa u ki kii pu na, ki ki mee u ke ngeehm li bi ni chee mbamɔm,

1 Tesalonika 1:5

ba pu? taah tuk nimi waabɔnyaan na, tibɔnyaan ngbaan aa nan ye iliin baanja, Uwumbɔr Aafuur Nyaan aapɔɔn nan bi ti ni la, ki cha ni bee ke ti sil gbii. Taah nan bi nikaasisik ni buyoonn na, ni nan bee timi aabimbin aah nan bi pu na. Ti nan bi kina ke ti ter nimi la.