1 Korenti 3:18 - Uwumbɔr aagbaŋ

¹⁸ Ni taa ŋmanni nibaa. Unii yaa bi nikaasisik ni ki dak ke u kpa dulnyaa wee ni aalan kan, cha u di nlan ngbaan lii, aan ki kan Uwumbɔr aalan.

UWONBƆR A GBƆNPƆŊ LIKƆƆNL

¹⁸ Ni laa lar niba. Ni ye uba tiɛr ke u ye ulandaan le dulinya nan yaan ke, un ŋaam u ba “kujɔrug” wee ki fir ŋa ulandaan.

1 Korenti 3:18 ပူးပေါင်းရင်းမြစ်များ

Ŋiyataŋak 26:12

Ujɔr sakpiin soor unii u dak ke u chi kaa chi na.

Ŋiyataŋak 3:5

Di aasui mɔmɔk kii tii Uwumbɔr. Taa li joo saah dak ke aa nyi pu na tun.

Ŋiyataŋak 3:7

Taa dakl daalbaadaal ke aa nyi jer saah nyi pu na; kii tii Uwumbɔr, ki yii titunwanbir aatum.

Ŋiyataŋak 5:7

Njapɔtiib, li pel dandana wee man, ki taa suln maah bi len pu na man.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Aisaya 5:21

Nimi aadoon le na. Ni dak ke ni chi la, ke ni chi sakpen la.

Jeremia 37:9

Min Uwumbɔr le sur si ke ni taa ŋmann nibaa ki dakl ke Babiloŋ aajab aan ki gir ni, ba pu? bi ga gir ni.

Jeremia 8:8

Ni ga ŋa kinye ki bui ke ni kpa nlan ki nyi maakaal? Lik man, bigbaŋmeeb na le di beebee kpeln maakaal.

Matiu 13:22

Binib ngem mu bi ke njikaabim mu lir ikokon ponn ni na la. Bi ŋun tibɔr ngbaan la. Le bitafal bi baabimbin ni, ni liwankpal ni. Nima le ku tibɔr ngbaan bisui ni, le taa mar.

Matiu 18:4

Unii umɔk sunn ubaa taab ki bi ke ubo waatiir umina aah bi pu na kan, udaan ngbaan le ye uninyuun Uwumbɔr aanaan ni.

Tibɔnyaan ti Mak ŋmee ti na 10:15

M tuk nimi mbamɔn la, unii umɔk kaa gaa Uwumbɔr aanaan ke ubo aah gaal tiwan pu na, waan koo mu ni.”

Tibɔnyaan ti Luk ŋmee ti na 18:17

M tuk nimi mbamɔn la, unii umɔk kaa gaa Uwumbɔr aanaan ke ubo aah gaal tiwan pu na aan koo mu ni.”

Tibɔnyaan ti Luk ŋmee ti na 21:8

Le u bui bi, “Ni li nyi man, aan ubaa taa ŋmann nimi. Binib pam ga nan dan ki pur maayimbil ke bima le ye min Yesu, ki ga bui ke ni ŋeer a. Ni taa dii bi man.

Rom Yaab 11:25

Nnaabitiib, m ban ke ni bee tibɔbɔrkaan tibaa, aan ki taa li dak ke ni kpa nlan sakpen. Juu yaab bibaa kpak tibɔnyaan tee la, ki ga kpak ti ki nan saa buyoonn binib bi kaa ye Juu yaab aan Uwumbɔr lee bi na ga ŋmar na.

Rom Yaab 12:16

Ni li kpaa kimɔbaan man. Ni li jɔnni bigiim man, ki taa li kpa kalmbaani. Ni taa li dak ke ni kpa nlan sakpen.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

1 Korenti 3:17

Unii yaa bii Uwumbɔr aadiik kan, Uwumbɔr ga bii udaan ngbaan. Ba pu? Uwumbɔr aadiik bi chain la. Nimi le ye kidiik ngbaan.

1 Korenti 4:10

Kristo pu, ti ye bijɔrb la; le nimi ye bilankpalb Kristo aasan ni. Ti ye bigiim la; le nimi ye bipɔɔndam. Ni kan nnyuŋ binib chee; le tima ye fam bi chee.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

Galantiya 6:3

Unii u kaa bi tibɔr tibaa ni na yaa dak ke u ye uninyuun kan, u ŋmanni ubaa la.

Galantiya 6:7

Tɔ, ni taa ŋmanni nibaa; ni taa dak ke ni ga ŋmaa ŋmann Uwumbɔr; tiwan ni aa bun na, nima le aa ga nan chee.

Efesusi 5:6

Titunwanbir timina aaboln pu, le Uwumbɔr gee liŋuul binib bi kaa kii waamɔb na pu. Ni taa cha unii ubaa ŋmann nimi ki tuk nimi ke naa bir.

2 Timoti 3:13

Le mbiindam ni biŋmaŋmannim ga moo tun titunwanbir ki li ŋmanni binib, le binib mu gir ki li ŋmanni bi.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

Jemisi 1:22

Ni li ŋani waamɔboln aah len pu na. Ni yaa pel, ki yaa kaa ŋani kan, ni ŋmanni nibaa la.

Jemisi 1:26

Unii yaa len ke u dii Uwumbɔr aasan, u yaa kaa chuu ulambil kan, u ŋmanni ubaa la. Waa dii le na. Ni ye fam la.

1 Jɔnn 1:8

Ti yaa len ke taa ye titunwanbirdam kan, ti ŋmanni tibaa la; mbamɔn aa bi tisui ni.