1 Korenti 3:17 - Uwumbɔr aagbaŋ

¹⁷ Unii yaa bii Uwumbɔr aadiik kan, Uwumbɔr ga bii udaan ngbaan. Ba pu? Uwumbɔr aadiik bi chain la. Nimi le ye kidiik ngbaan.

UWONBƆR A GBƆNPƆŊ LIKƆƆNL

¹⁷ Ni ye, wan bii Uwonbɔr a wonjiɛndiig n ke, Uwonbɔr mu li bii u yaadaan; Uwonbɔr a wonjiɛndiigin ye kasi a diig le, le ni mu le ye kudiig nmɔn.

1 Korenti 3:17 ပူးပေါင်းရင်းမြစ်များ

Mpiin 28:17

U nan san ijawaan le ki bui ke, “Do chee na kpa ijawaan sakpen a. Uwumbɔr do sil sɔ, ni ga sil li ye nin chee bi piir koo paacham na la.”

1 Bibɔrb Aabɔr 29:3

M ki tii ni jer nimina mɔmɔk na, nima le ye tikunabr ni salmaa. Maah gee Uwumbɔr Aadichal sakpen pu na, le m nyan nima mbaa aawan ponn ni tii.

Ilahn 74:3

Chuun baah ber ntim mu kookoo na pu; timi aadim bii doo tiwan ni mɔmɔk bi Saadichal ni na.

Ilahn 79:1

Uwumbɔr, binib bi kaa nyi si na koo ni saatiŋ ni. Bi bii Saadichal li bi chain na, le ki cha Jerusalem gur ye tilangbenn.

Ilahn 93:5

Uwumbɔr, saakaal bi n‑yoonn mɔmɔk, le Saadichal sil bi chain n‑yoonn mɔmɔk.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Nnyam 3:5

Le Uwumbɔr bui u ke, “Taa fuu ni mmii ngbaan chee. Chuu takl saanaatak ngbaan; saah si nin chee na ye kitiŋ ki bi chain na la.

Aisaya 64:11

le Saadichal li bi chain ki ŋan aan tiyaajatiib nan dooni si nima na, wun mmii a. Taah nan gee nin chee mɔmɔk na kpaln tilangbenn la.

Esekiel 43:12

Maadichal aakaal sɔ: Mpaan mu mɔmɔk mann goln li lijool ngbaan paab na ye chain chain ki ye min yaan la.”

Esekiel 5:11

“Kina pu na, maah ye Uwumbɔr u bi n‑yoonn mɔmɔk na, ki ye Aadindaan Uwumbɔr, maamɔboln sɔ: naah di titunwanbir, ni tiwan ni sukr ponn ni na bii Maameen Aadichal na, m ga kuln nimi kaan san nimi kinimbaak.

Esekiel 7:22

Binaayukb yaa di mpɔɔn koo ki ti bii Maadichal li ye liwangokpaan na kan, maan gar.

Liifai Yaab 15:31

Uwumbɔr nan bui Moses ke u sur Israel yaab baah kaa bi chain pu na, nima kan, bi li nyi ki taa bii Waabool li u bi li ponn ni, ki si bikaasisik ni na, ke bi yaa bii li kan, u ga ku bi.

Liifai Yaab 20:3

Ubaa yaa di waabo toor kitork tii Liwaal Molek ki bii Maabool, aan laa ki bi chain, ki jinn maayimbil li bi chain na inimɔɔn kan, m ga daa utafal; waan ki li ye maanib ponn ni ubaa.

Sefania 3:4

Uwumbɔr aabɔnabr bi bi ki ponn ni na kpa kigaak kaa kpa mbamɔn; le bitotoorb bii tiwan ni bi chain na, le ki fenn Uwumbɔr aakaal diir baah gee niwɔb na.

Nkahm 19:20

Unii umɔk kaa bi chain ki mu yii kaa toor ubaa na kan, u gur ye ujɔŋdaan la, ba pu? waa fu nnyun mu ŋani binib chain na. U bii Uwumbɔr Aabool le na, le waan ki li ye Uwumbɔr aanib ponn ni ubaa.

1 Korenti 3:16

Naa nyi ke ni ye Uwumbɔr aadiik aa? Naa nyi ke Uwumbɔr Aafuur Nyaan bi ni ni ii?

1 Korenti 3:18

Ni taa ŋmanni nibaa. Unii yaa bi nikaasisik ni ki dak ke u kpa dulnyaa wee ni aalan kan, cha u di nlan ngbaan lii, aan ki kan Uwumbɔr aalan.