1 Korenti 2:4 - Uwumbɔr aagbaŋ

⁴ M nan joo Uwumbɔr aaliin tuk nimi, kaa nan joo mmɔmɔɔn ni binib aalan tuk nimi. M nan tuk nimi Uwumbɔr aaliin ki mɔk nimi Waafuur Nyaan aah kpa mpɔɔn pu na;

UWONBƆR A GBƆNPƆŊ LIKƆƆNL

⁴ Naa ye bininfosaalib a biɛm le n jɔɔ mɔɔn Uwonbɔr a bɔrin ki tenn ni, amaa ni nyan Kasi a Naaŋin le nin u pɔɔmin

1 Korenti 2:4 ပူးပေါင်းရင်းမြစ်များ

Ŋiyataŋak 20:19

Ubɔmbɔtukr aan ŋmaa joo tibɔbɔrkaan. Taa duuni binib bi gbaa tibɔr sakpen na chee.

Ŋiyataŋak 7:21

Upii ngbaan nan ŋa kina le ki di waabɔnyɔk chuu unachipɔɔn ngbaan, le u kii waamɔmɔɔn ngbaan.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Esekiel 13:6

Baabɔkpiirkaan ye inyamɔn la, le baah len ke tiwan ni ga ŋa na aa gbii. Bi bui ke maabɔr le bi joo len, m mu aa tun ni bi. Bi mu dak ke baamɔbon ga gbiin la.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

Lituln 26:28

Le Agripa baa Pɔɔl, “Aa dak ke naa pɔɔ m ŋa Kristo yoo la aa?”

Rom Yaab 15:13

Uwumbɔr tii timi limakl la. Naah gaa u ki kii pu na, u gbiin nimi mpopiin ni nsuudoon mɔmɔk. Nima le ni ga li kpa limakl sakpen, Waafuur Nyaan aapɔɔn pu.

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

Rom Yaab 16:18

Binib bi bi kina na aa dii Tidindaan Yesu Kristo. Bi dii bima bibaa aasui aah ban pu na la. Bi kpa mmɔmɔɔn ki ŋmanni bininyaam.

1 Korenti 1:17

Ba pu? Kristo aa tun ni mi ke m nan muin binib nnyun ni. U tun ni mi ke m nan tuk bi waabɔnyaan ngbaan la. Naa ye ke m di binib aalan le tuk bi. M yaa ba ŋa kina kan, ni ba ga cha Kristo aah kpo ndɔpuinkoo pu na ŋa yɔli.

1 Korenti 2:1

Nnaabitiib, nima pu na, maah nan dan nan tuk nimi Uwumbɔr aabɔr na, maa nan di mmɔmɔɔn ni binib aalan le tuk nimi.

1 Korenti 2:13

Tibɔr ngbaan le ti joo tuk binib. Naa ye iliin i binib aalan mɔk timi na, le ti joo tuk bi. Ti joo iliin i Uwumbɔr Aafuur Nyaan mɔk timi na la. Ti joo Uwumbɔr Aafuur Nyaan aaliin le tuk binib Waafuur Nyaan aabɔr.

1 Korenti 4:20

Uwumbɔr aanaan aa ye iliin. Mu ye mpɔɔn la.

2 Korenti 6:6

Timi aabimbin bi chain la. Ti bee Uwumbɔr aabɔr, ki kpa limɔr, ni tibulchinn, ki gbii Uwumbɔr Aafuur Nyaan, ki gee binib mbamɔm,

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Kolosiya 2:4

M tuk nimi kina ke ubaa taa ŋmann nimi la. Unii yaa mɔln inyamɔn i mɔ na ki tuk nimi kan, ni taa kii.

1 Tesalonika 1:5

ba pu? taah tuk nimi waabɔnyaan na, tibɔnyaan ngbaan aa nan ye iliin baanja, Uwumbɔr Aafuur Nyaan aapɔɔn nan bi ti ni la, ki cha ni bee ke ti sil gbii. Taah nan bi nikaasisik ni buyoonn na, ni nan bee timi aabimbin aah nan bi pu na. Ti nan bi kina ke ti ter nimi la.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

2 Piita 1:16

Ti nan tuk nimi ke Tidindaan Yesu Kristo kpa mpɔɔn sakpen ki ga ki gir ni. Taah tuk nimi pu na aa ye itiin. Ti gbii la. Tinimbil kan waah kpa mpɔɔn sakpen pu na.

2 Piita 2:18

Bi len kalmbaani aaliin i ye fam na, ki ŋmanni binib bi kaa dii Uwumbɔr aasan ni yunn na, ki tɔŋni bi ke bi ŋa tiwon aah gee pu na ki gɔr kidagook,

Bibɔjirb 14:15

Winaa daal le bi bui Samsonn aapuu ke, “Ŋmann aachal aan u bui timi liyataŋakl ngbaan aatataa. Aa yaa kaa ŋa kina kan, ti ga see aate aadichal lii, le ki kpaan see aa mu mmii. Nimi bilee bimina yin ni timi ke ni nan su timi kinaayuk la, naa ye kina aa?”

Bibɔjirb 16:5

Filistia aabɔrb biŋmu na nan buen upii ngbaan chee le ki ti bui u ke, “Ŋmann Samsonn aan u bui si waah ŋa pu ki ti kpa mpɔɔn sakpen kina na, ni taah ga ŋa pu ki nyaŋ u, aan ki buu u iŋmin, aan u taa ki ŋmaa ŋa nibaa na. Ti mɔmɔk ubaabaa ga tii si tikunabr aakur aamombil lichur ni nkub nkub.”