1 Korenti 15:52 - Uwumbɔr aagbaŋ

⁵² Kakaan yaa wii kookoo yaan kan, libuul ngbaan ni le ti ga kpeln. Naan pii linimbil aah ga kab pu na. Kakaan ga nan wii, le binib bi kpo na ga fikr nkun ni, kaan ki bur. Le Uwumbɔr ga kpeln timi aawon.

UWONBƆR A GBƆNPƆŊ LIKƆƆNL

⁵² Lidaal nmɔn, binum a gabinim nin bi ligirim kunaatuŋ joor kaagin li mɔ, kunaatuŋ nmɔn nan mɔ ke, bitakpiib na li fii nkumin nin tigbanann ŋan, le ti mu n kpenn.

1 Korenti 15:52 ပူးပေါင်းရင်းမြစ်များ

Ilahn 73:19

Libuul ngbaan ni le bi kuln, baah ga ti doo pu na ga li kpa ijawaan.

Nnyam 19:16

Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Nnyam 33:5

ba pu? Uwumbɔr le nan bui Moses ke u tuk binib ngbaan ke, “Nitafal pɔɔ pam. Nibaakan, m yaa ban m dii nimi foor siib kan, m ga kuln nimi kookoo. Tɔ, chuu nyan nimi aasalmaa aaleen, aan m dakl lik maah ga ŋa nimi pu na.”

Aisaya 18:3

Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Esekiel 33:3

U yaa kan ke bidim choo kan, le u faa nkuun ke unii mɔmɔk bee.

Esekiel 33:6

Tɔ, ni yaa ye ke ukikiir na kan bidim aah choo pu na kaa faa nkuun kan, bidim ngbaan ga dan ki nan ku titunwanbirdam ngbaan, le m ga chuu ukikiir ngbaan taani baakun pu.

Sekaria 9:14

Uwumbɔr ga li bi paacham ki di ubaa mɔk waanib, u ga too waapiin ke utaal aah moor pu na la. Bidindaan Uwumbɔr le ga pii ukpiin; u ga li chuun titaabunn ti nyan ni ŋŋangii wɔb na ni la.

Nkahm 10:4

Bi yaa ŋun kakaan ngbaan ubaa wii kan, ntaŋaal aayidam ŋmeen kuun dan aa chee.

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Jɔnn 5:25

M tuk nimi mbamɔn la, n‑yoonn choo, ki mu fuu ni a, le binib bi kpo na ga ŋun min Uwumbɔr Aajapɔɔn aaneel pu, le bi ŋun na ga kan limɔfal.

Jɔnn 5:28

Ni taa cha nimina gar nimi man. N‑yoonn choo, le binib bimɔk bi ŋikaakul ni na ga ŋun maaneel pu,

1 Korenti 15:23

Kina le bi ga li paa tɔb pu. Kristo le ye njan aanii u puen fikr nkun ni na. U yaa gir ni kan, binib bi ye uyaab na mu ga fikr nkun ni.

1 Korenti 15:42

Binib yaa nan fikr nkun ni kan, ni ga nan li bi kina la. Tiwon ti bi di sub na, ni ye tiwan ni ga bur na la. Ni yaa fikr nkun ni kan, ni ga nan li ye tiwon ti kaan ŋmaa bur na la.

1 Korenti 15:50

Nnaabitiib, maah len pu na le ye ke tiwon ti ye tinann ni nsin na aan ŋmaa koo Uwumbɔr aanaan ni paacham. Ni ga bur na mu aan ŋmaa le ye ni kaan bur na.

1 Tesalonika 4:15

Taah ban ti tuk nimi tibɔr ti na, ti ye Tidindaan aabɔr la. Tidindaan aanib bi ga li bi dulnyaa wee ni bundaln u ga gir ni na aan puen binib bi kpo na ki buen paacham.

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 8:13

Le m kan libɔrwiin laani paacham, ki ŋun li teen mpɔɔn pu ke, “Uwumbɔr aatuuntiib bitaa bi gur kaa kee pii baakakaan na yaa pii kan, tibɔbir sakpenn ga lir dulnyaa aanib pu.”

Tibɔkpiirkaan 8:2

Le m kan Uwumbɔr aatuuntiib bilole bi si Uwumbɔr aanimbiin ni na. Le bi tii bi kakaan tiib bilole.