1 Korenti 12:3 - Uwumbɔr aagbaŋ

³ Nima pu na, m ban ke ni bee ke Uwumbɔr Aafuur Nyaan aapɔɔn yaa cha unii len tibɔr kan, waan ŋmaa sii Yesu. Unii ubaa mu aan ŋmaa len ke Yesu le ye Udindaan see Uwumbɔr Aafuur Nyaan le ga cha u len kina.

UWONBƆR A GBƆNPƆŊ LIKƆƆNL

³ Mambu le n bei ni ke, uninfo wan jɔɔ kasi a Naaŋ a pɔɔm ki pag kaa li fir poo bimɔb ki ŋa Yisa, uba mu kaa li fir ke, “Yisa ye Uyudaan ni,” see kinaaŋin be u ni.

1 Korenti 12:3 ပူးပေါင်းရင်းမြစ်များ

Ilahn 109:20

Uwumbɔr, daa maadim bi len tibɔbir m pu na aatafal kina.

Matiu 22:43

Le u baa bi, “Kristo ngbaan yaa ye David aayaabil kan, ba pu Uwumbɔr Aafuur Nyaan nan cha David yin u ke Udindaan? David nan len ke,

Tibɔnyaan ti Mak ŋmee ti na 9:39

Le Yesu bui bi, “Ni taa ki tuk u ke u di cha. Unii yaa tun lijinjiir aatuln maayimbil pu kan, waan ŋmaa len tibɔbir m pu mala.

Jɔnn 13:13

Ni yin mi ke Umɔmɔkr, ki ki yin mi ke Nidindaan. Ni len mbamɔn la; ba pu? m ye kina la.

Jɔnn 13:14

Tɔ, min u ye Nidindaan ni nimi Aamɔmɔkr na aah finn nitaa pu na, ni ŋan ke ni mu li finni tɔb aataa kina.

Jɔnn 15:26

“Tɔ, Uteter na ga fuu ni. Uma le ye Nte Uwumbɔr Aafuur Nyaan mu ye mbamɔn, ki nyan ni Uwumbɔr chee na. Min le ga tun ni mu ni chee. Muma le ga nan tuk nimi maabɔr.

Lituln 8:37

Le Filip bui u, “Aa yaa gaa Yesu ki kii mbamɔm kan, m ga ŋmaa muin si nnyun ni.” Le u bui u, “M pak ke Yesu Kristo ye Uwumbɔr Aajapɔɔn la.”]

Rom Yaab 10:9

Aa yaa len binib aanimbil ni ke Yesu le ye Aadindaan, ki yaa ŋa naadii aasui ni ke Uwumbɔr fikr u nkun ni kan, aa ga ŋmar.

Rom Yaab 9:3

M ga li ŋmaa ban ke m bee fam Kristo chee, bima taa bee.

1 Korenti 16:22

Unii yaa kaa gee Tidindaan kan, Uwumbɔr aabɔbir li bi u pu. Tidindaan, dan.

1 Korenti 8:6

Tima kan, ti kpa Uwumbɔrbaan, u ye Tite na. Uma le nan naan tiwan mɔmɔk. Ti bi ke ti li ŋani waageehn la. Ti kpa Tidindaan ubaa mu la. Uma le ye Yesu Kristo. Uma le Uwumbɔr nan cha u naan tiwan mɔmɔk. Uma pu le ti bi.

2 Korenti 11:4

Unii yaa fuu ni ni chee ki yaa tuk nimi tibɔr yayan ti kaa ye taah nan tuk nimi Yesu aabɔr ti na kan, ba ŋa ni ji limɔr u pu? Ba ŋa ni gaa tibɔr ti kaa ye Yesu aabɔnyaan, kaan cha ni kan Uwumbɔr Aafuur Nyaan na? Taah nan tuk nimi Yesu aabɔnyaan tee na, tibɔr ngbaan le nan cha ni kan Uwumbɔr Aafuur Nyaan.

2 Korenti 3:5

Taa len ke ti ga ŋmaa ŋa nibaa tibaa aapɔɔn pu. Timi aapɔɔn nyan ni Uwumbɔr chee la.

Galantiya 3:13

Ti bii nkaal ngbaan la, nima le Uwumbɔr aamɔpuur bi ti pu. Le Kristo nyan timi mmɔpuur ngbaan ni; kinye pu? u nan kpo ndɔpuinkoo pu ki di mmɔpuur ngbaan di tun uma ubaa aayil pu, ke baah nan ŋmee Uwumbɔr Aagbaŋ ni pu na ke, “Unii umɔk bi kpaa u ndɔpuinkoo pu na, Uwumbɔr aamɔpuur bi u pu la.”

Ikaal 21:23

ni taa cha uwon ngbaan li lee nima chee ki woln kitaak. Ni di tiwon ngbaan sub liyaadaal ngbaan, ba pu? linikpol ngbaan aah lee busub ngbaan pu na, Uwumbɔr ga cha tibɔr dan kitiŋ ngbaan pu. Ni di tiwon ngbaan sub, nima kan, naan bii kitiŋ ki Nidindaan Uwumbɔr ban u di tii nimi na.

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,