1 Korenti 11:6 - Uwumbɔr aagbaŋ

⁶ Upii yaa kaa buu kiyibubuuk kan, ni kpa inimɔɔn ke waah chee tiyikpir le na. Upii u chee tiyikpir, bee u chuu kuu tiyikpir na, ni kpa inimɔɔn. U yaa kaa buu kiyibubuuk kan, ni mu kpa inimɔɔn. Nima pu na, ni ŋan ke u buu kiyibubuuk.

UWONBƆR A GBƆNPƆŊ LIKƆƆNL

⁶ Ni ye upii kaa ban un yil sadiga ke, ni ŋan nin un chiɛ u yul bee ki koo u yukper nmɔn, man mu ji ye ifa ke, see ke u yil sadiga.

1 Korenti 11:6 ပူးပေါင်းရင်းမြစ်များ

Nkahm 5:18

Utotoor yaa ŋa kina doo kan, u ga finn upii ngbaan aayikpir, aan ki di n‑yon na ŋa upii ngbaan aaŋaal ni. Utotoor ubaa li joo lisambil li kpa nnyun mu cho na uŋaal ni, muma le ye imɔpuur.

Lituln 18:18

Pɔɔl nan bi Korint aatiŋ ni ki yunn. Waah bi nima ki yunn na, le u chɔi Yesu aanib. Le u ni Prisila ni Akuila buen Senkrea aatiŋ ni. Pɔɔl aah ti bi nima na, le u kuu uyikpir lii. Ni mɔk ke waah nan puu tipuur ti tii Uwumbɔr na le na. Le bi nan ti koo buŋɔb ni, ke bi puur nnyusakpem na ki buen Siria aatim ponn ni.

1 Korenti 11:5

Upii mu yaa mee Uwumbɔr, bee u yaa nabr Uwumbɔr aah len pu na, kaa buu kiyibubuuk kan, u jinn uyidaan inimɔɔn. Ni bi ke waah kuu tiyikpir le na.

1 Korenti 11:7

Uja yaa mee Uwumbɔr kan, u taa chiŋ kiyikpupuk uyil pu; ba pu? u naahn Uwumbɔr, ki ye waasil la. Upii mu ye uja aasil la.

Ikaal 22:5

“Bipiib taa peen bijab aawanpeenkaan, bijab mu taa peen bipiib aawan; Nidindaan Uwumbɔr aa gee binib bi ŋani kina na.