1 Korenti 11:32 - Uwumbɔr aagbaŋ

³² U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

UWONBƆR A GBƆNPƆŊ LIKƆƆNL

³² Amaa ni ye Uyudaan jin ti tibɔr ke, ti ga litudaril le na li ŋa man wee ti laa won nan kpo nin dulinya yaabi.

1 Korenti 11:32 ပူးပေါင်းရင်းမြစ်များ

2 Samuel 7:14

Min le ga li ye ute, le u li ye maabo. U yaa tun taani kan, m ga daa utafal, ke ubo aate aah dar waabo aatafal pu na la.

Ilahn 118:18

U daa ntafal sakpen a; u mu aa tee cha m kpo.

Aisaya 1:5

Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Jeremia 7:28

Aa ga bui bi ke baatimbol aa kii mi Bidindaan Uwumbɔr aamɔb, kaa bae baatafadaan chee. Mbamɔn aa ki bi. Ubaa aa ki len mbamɔn aabɔr.

Sefania 3:2

Ki yii, kaa ŋun tii Uwumbɔr, kaa kii waasurm, kaa kii tii u, kaa ban u chee nterm.

Rom Yaab 3:19

Tɔ, ti nyi ke nkaal aah len pu na mɔmɔk len binib bi bi mu chee na la. Nima le dulnyaa wee ni aanib mɔmɔk aabɔr bii Uwumbɔr chee. Ubaa aan ŋmaa len tibaa ke u nyan ubaa tibɔr ni Uwumbɔr chee.

Rom Yaab 5:16

Uwumbɔr aapiin aah ŋa timi pu na aa bi ke Adam aatunwanbir aah ŋa timi pu na. Adam aatunwanbirbaan pu, le binib aabɔr bii. Uninyaan ubaa u ye Yesu na pu, le Uwumbɔr di cha pinn titunwanbirdam pam, ki len ke baabɔr ŋan. Waapiin le na.

1 Korenti 1:20

Bilankpalb bi la? Binibiwolm mu bi la? Dandana aanib bi kpak kinikpakpak na mu bi la? Uwumbɔr cha dulnyaa wee aalan ŋa yɔli.

1 Korenti 1:21

Uwumbɔr u kpa nlan na len ke dulnyaa wee aalan aa ŋmaa cha binib bee u. Nima pu na, u gaa binib bi gaa Yesu ki kii na lii, kijɔrk aabɔr ti ti joo tuk binib na pu. Waageehn le na.

1 Korenti 11:30

Nima le cha ni ponn ni pam ye bidaburb, pam mu aa kpa laafee, pam mu kpo.

1 Korenti 11:31

Ti yaa puen lik timi aabimbin aah bi pu na, aan ki nin ji ki nyun kan, Tidindaan aan daa titafal.

1 Korenti 11:33

Nnaabitiib, nima pu na, ni yaa kuun tɔb chee ki ti ji kan, ni mɔmɔk li kii tɔb ki kpaan ji.

Ikaal 8:5

Ni teer ke Nidindaan Uwumbɔr nan sur nimi ki daa nitafal, ke ubo aate aah sur u pu na.

1 Timoti 1:20

Bi ponn ni binib bilee ye Haimeneus ni Aleksanda. Le m di bi ŋa kinimbɔŋ aaŋaal ni ke ki daa bitafal, aan bi bee ke naa ŋan bi ki sii Uwumbɔr.

1 Jɔnn 5:19

Ti nyi ke ti ye Uwumbɔr aabim la, ki nyi ke dulnyaa aanib mɔmɔk bi kinimbɔŋ aaŋaal ni la.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.