1 Korenti 11:30 - Uwumbɔr aagbaŋ

³⁰ Nima le cha ni ponn ni pam ye bidaburb, pam mu aa kpa laafee, pam mu kpo.

UWONBƆR A GBƆNPƆŊ LIKƆƆNL

³⁰ Mambu le ni ni bibam gbarig ki buŋ le ni ni bibam kpeg.

1 Korenti 11:30 ပူးပေါင်းရင်းမြစ်များ

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Nkahm 20:12

Uwumbɔr nan ki bui Moses ni Aaronn ke, “Naah kaa gaa mi ki kii mbamɔm, ki yii, kaa ban ni mɔk binib ngbaan maapɔɔn mu bi chain na pu na, maan cha ni di bi koo kitiŋ ki ponn ni m puu ke m ga di tii bi na ni.”

Nkahm 20:24

“Aaronn aan koo kitiŋ ki m puu ke m ga di tii Israel yaab na ni, u ban u kpo la, ba pu? nimi bilee bee nan yii maamɔb Meriba aatiŋ ni.

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

1 Korenti 11:29

Unii yaa ŋman ki yaa nyun, ki yaa kaa bee Tidindaan aawon aatataa kan, u ga cha Uwumbɔr daa utafal.

1 Korenti 11:31

Ti yaa puen lik timi aabimbin aah bi pu na, aan ki nin ji ki nyun kan, Tidindaan aan daa titafal.

1 Korenti 11:32

U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

1 Korenti 15:51

Li pel man, m ga tuk nimi tibɔr ti bɔɔ na. Timi bibaa ga kpo, bibaa mu ga pii Kristo aah ga gir ni bundaln na. Le ti mɔmɔk aawon ga kpeln.

1 Tesalonika 4:14

Ti pak ke Yesu nan kpo, ki ki fikr nkun ni. Nima pu le ti pak ke Uwumbɔr ga fikr Yesu aanib bi kpo na mu, ki cha bi li dii u bundaln u ga gir ni na.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.