1 Korenti 10:8 - Uwumbɔr aagbaŋ

⁸ Ni mu taa tun kidagook aatuln ke bi ponn ni bibaa aah nan tun pu ki cha binib ŋichur moninko ni ŋitaa kpo liwinbaal na.

UWONBƆR A GBƆNPƆŊ LIKƆƆNL

⁸ Ti laa tun iwanjaab toon ke bi ni bibam kaah nan tun man nni, wee weemba daal bininfob turpilee nin bita nan kpo nni.

1 Korenti 10:8 ပူးပေါင်းရင်းမြစ်များ

Ilahn 106:29

Baatun le nan fiin Uwumbɔr aaŋuul, le iween i bir sakpen na lir ni bikaasisik ni.

Matiu 5:32

Min le tuk nimi ke upii yaa kaa gɔr kidagook kan, uchal yaa jenn u lii kan, u ŋa u upiidagoor le na. Uja u yoor baah jenn upii u lii na mu ye udagoor la.”

1 Korenti 6:18

Ni di cha kidagook aatuln. Unii yaa tun titunwanbir kan, naa bi tiwon ponn ni, see kidagook aatuln. Unii u gɔr kidagook na, u ŋa uma ubaa aawon bakaa la.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.