1 Korenti 10:7 - Uwumbɔr aagbaŋ

⁷ Ni mu taa dii ŋiwaa, ke bi ponn ni bibaa aah nan dii pu na; ni ŋmee Uwumbɔr Aagbaŋ ni ke, “Binib ngbaan nan kal ki ŋman kitork aanann, ki nyu ndaan gbii, le ki fii ki tun kininsuŋ aatun.”

UWONBƆR A GBƆNPƆŊ LIKƆƆNL

⁷ Ni laa nɔɔ itingban ke bi ni bibam kaah nan ŋaan man nni, ni sɔb Uwonbɔr a gbɔŋin ke, “Bininfobin nan kal le ki jin ki nyun, le ki fii ki gel itingban.”

1 Korenti 10:7 ပူးပေါင်းရင်းမြစ်များ

Nnyam 32:17

Tɔ, Josua nan ŋun binib ngbaan kpa kifuuk, le u bui Moses ke, “M ŋun butɔb aafuuk linampal.”

Nnyam 32:19

N‑yoonn mu Moses fuu ni linampal ki kan unaajabo aawaal, aan binib ngbaan bi waa liwaal linimbiin ni na, le liŋuul chuu u. Le u di ŋitakpapapan na di lii lijool ngbaan aataab, le ŋi wii.

Nnyam 32:4

Le u gaa tafajɔn ngbaan le ki donn bi, le ki di kpaar ŋa tiwan ni naahn unaa na ni, le ni kpaln salmaa aanaajabo. Le binib ngbaan bui ke, “Timi Israel yaab aawaal li nyan ni timi Ijipt aatiŋ ni na le na.”

Lituln 15:20

Cha ti ŋmee kigbaŋ tii bi, ki tuk bi ke bi taa ki ŋmɔ kitork aanann, ki taa ki gɔr kidagook, ki taa ki ŋmɔ tiwan ni bi tab ku ni na, ki taa ki ŋmɔ nsin.

1 Korenti 10:14

Njɔtiib, nima pu na, di ŋiwaa lii ki di cha ŋaabɔr.

1 Korenti 5:11

Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

1 Korenti 8:7

Binib bibaa mu aa nyi kina. Bi nan dii ŋiwaa ni yunn. Nima pu na, bi yaa ŋman kitork aanann kan, ti ye kitork aanann le bi chee, le ni ŋa bi ilandak.

Ikaal 9:12

“Le Uwumbɔr bui mi ke, ‘Ŋa mala ki sunn lijool taab; saanib bi aa nyan ni bi Ijipt aatiŋ ni na yii mi, ki tun titunwanbir. Bi kpaan fenn ki cha maah tuk bi ke bi ŋa pu na, le ki ŋa liwaal tii bibaa.’

1 Jɔnn 5:21

Maabim, ni nyan nibaa ŋiwaa ni man.