1 Korenti 10:22 - Uwumbɔr aagbaŋ

²² Ti ban Tidindaan li kpa lipiipoln ti pu uu? Ti kpa mpɔɔn jer u uu?

UWONBƆR A GBƆNPƆŊ LIKƆƆNL

²² Ti ban ti fiin ti Yudaau a piiponl lee? Ti pɔɔ ki jon u waa?

1 Korenti 10:22 ပူးပေါင်းရင်းမြစ်များ

1 Bibɔrb 14:22

Juda aanib nan tun Uwumbɔr titunwanbir ki ŋa taani u jer biyaajatiib mɔmɔk aah nan ŋa pu na le ki fiin waaŋuul.

Job Aagbaŋ 9:4

Uwumbɔr aalan ni waapɔɔn nyaŋ a, unii ubaa aa bi ki ga ŋman u.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Nnyam 34:14

“Ni taa doon liwaal libaa; ba pu? Min, Uwumbɔr aan kii ke Israel yaab li dooni tiwan nibaa ki kpee m pu.

Ulandaan 6:10

Tiwan ni mɔmɔk ŋani na nan kan naasisii n‑yoonn mu jer na la, le ti mɔmɔk nyi ke unii aan ŋmaa kpak unii u pɔɔ jer u na kinikpakpak.

Aisaya 45:9

Tiyakr aabuul li bi ke ŋibuu ŋiken na ga ŋmaa kpak uyakmaal kinikpakpak aa? Tiyakr aan ŋmaa baa uyakmaal ke u bi ŋani ba? Libuul aan ŋmaa bui unii u maa li na ke waa nyi nibaa.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 7:19

Tɔ, min le bi sil tii titotonn aa? Aayii, bibaa le bi tii titotonn, ki joo ni inimɔɔn bibaa pu.

Esekiel 22:14

Aa dak ke m yaa doo saabɔr kan, aa ga ki li kpa ntaakpab pɔɔn bee mpɔɔn mubaa gur ki di yoor aaŋaal paacham aa? Min Uwumbɔr le len, ki ŋani maah len pu na.

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Ikaal 32:16

Baah nan dooni ŋiwaa ŋi na le nan cha lipiipoln chuu Uwumbɔr. Baah tun titunwanbir ti na cha liŋuul chuu u.

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

Ikaal 6:15

Ni yaa dooni ŋiwaa kan, Uwumbɔr aaŋuul ga dan ni pu ke mmii na, ki nan kuln nimi kookoo, ba pu? Nidindaan Uwumbɔr u bi ni chee na aa ban ke waanib ki li dooni nibaa ki kpee u pu.

Hiibru Yaab 10:31

Aa yaa lir Uwumbɔr u ye limɔfadaan na aaŋaal ni kan, ni kpa ijawaan sakpen a.

Josua 24:19

Le Josua bui binib ngbaan ke, “Naan ŋmaa dii Uwumbɔr, ba pu? Uwumbɔr ye chain la, kaan di cha nimi aatunwanbir pinn nimi. U ye lipiipoln Aawumbɔr la,