1 Korenti 10:20 - Uwumbɔr aagbaŋ

²⁰ Maah len pu na le ye ke binib bi kaa dii Uwumbɔr aasan na yaa toor kitork kan, bi toor ki tii tiwan ni kaa ye Uwumbɔr na la, kinimbɔŋ le bi toor tii. Maa ban ke ni ni kinimbɔŋ li kpaan.

UWONBƆR A GBƆNPƆŊ LIKƆƆNL

²⁰ Aai kumanug kan wee ban kaa ye biwonjiɛm mann ni, bi mann tenn nnaanbiim le amaa naa ye Uwonbɔr i, n mu kaa ban ni li mann ki tenn nnaanbiimi.

1 Korenti 10:20 ပူးပေါင်းရင်းမြစ်များ

2 Bibɔrb Aabɔr 11:15

Jeroboam nan ban ubaa aatotoorb le bi dooni binib bi kaa dii Uwumbɔr na aawaa, ni ŋiwaa ŋi u naan aan ŋi bi ke iŋoob ni inaajabi na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

Matiu 4:9

le ki bui u, “Aa yaa gbaan kitiŋ ki pak mi kan, m ga di nimina mɔmɔk di tii si.”

2 Korenti 4:4

Kinimbɔŋ ki joo dulnyaa aanib na le jɔb binib bi kaa gaa Yesu ki kii na aanimbil, ke tibɔnyaan tee taa woln binimbil. Tibɔnyaan tee tuk timi Kristo aah ŋan sakpen pu na. U ye Uwumbɔr aanaŋ la.

Galantiya 4:8

Buyoonn naa nan kee nyi Uwumbɔr na, ŋiwaa ŋi kaa ye Uwumbɔr na nan joo nimi tinaagbiir la.

Tibɔkpiirkaan 2:14

Tɔ, m mu galn nimi tibɔr tibaa pu. Ba pu? Ni ponn ni bibaa joo Balaam aamɔkm; uma le nan mɔk Ubɔr Balak waah ga ŋa pu ki tɔŋ Israel yaab bi ti ŋmɔ libaawol aanann, ki gɔr kidagook, aan Uwumbɔr daa bitafal na.

Tibɔkpiirkaan 2:20

Tɔ, m mu galn nimi; ba pu? ni ŋmin ki lik Jesebel, upii u len ke u ye Uwumbɔr aabɔnabpii kaa ye na. U ŋmanni maatutum, ki tuk bi ke bi yaa gɔr kidagook ki ŋman libaawol aanann kan, naa bir.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.