1 Korenti 10:11 - Uwumbɔr aagbaŋ

¹¹ Tibɔr ngbaan nan ŋa bi kina ki ye limɔkl le ki mɔk binib. Bi nan ŋmee ti Uwumbɔr Aagbaŋ ni, ke ni li ye nsurm le ki tii timi bi bi kookoo aayoonn na.

UWONBƆR A GBƆNPƆŊ LIKƆƆNL

¹¹ Ni niɛ nan biɛn nan tun ki ye limagil le ki sei bi, ni nan ye ikpaan le ki sɔb dɔ ki sei tim ban nan joor bɔɔn dulinya nan a diɛmin.

1 Korenti 10:11 ပူးပေါင်းရင်းမြစ်များ

Mpiin 19:35

Nima pu na, bi nan ki nyunn bite ndaan kinyeek ngbaan le u gbii, le ubisal uwaatiir mu doon u chee. Waah nan ki nyun ndaan gbii ti nyaŋ na, waa nan nyi tiwan ni ubisawaatiir mu ki ŋa na.

Ilahn 102:18

Ŋmee bil Uwumbɔr aah tun pu na, aan n‑yoonn mu choo na yaab nan kan, aan baah kaa kee ma binib bi na nan pak u.

Esekiel 5:15

“Maaŋuul yaa fii ni pu sakpen aan m daa nitafal liŋuul pu kan, ijawaan ga chuu ŋitimbol ŋi mann goln nimi na. Biponn ni ga li sukr ni pu, le bi ga li joo nimi ŋani yaansara.

Matiu 13:39

Ukpaal aadin u yaa timoor ngbaan na le ye kinimbɔŋ. Lipuicheel le ye dulnyaa aadoon. Bipuicheeb ngbaan le ye Uwumbɔr aatuuntiib.

Matiu 13:40

Baah nan ŋɔi timoor ti ki di see mmii ponn ni na, dulnyaa aadoon ga nan li bi kina la.

Rom Yaab 13:11

Ni li ŋani kina man. Ba pu? n‑yoonn mumina ye linimaln aayoonn la. Ni ŋeer ke ni finn ngeen pu ki taa ki san ligbanyakl. Tidindaan aah ga gir ni bundaln na aan ki yunn. Le u ga nyan timi falaa mɔmɔk ponn ni.

Rom Yaab 13:12

Naan yunn, kinyeek ga doo. Kitaak aawoln aa ki daa. Nima pu na, cha ti di cha mbɔmbɔɔn ni aatuln, aan ki li kpa mbimbinyaan mu ŋeer nwiihn na.

Rom Yaab 15:4

Tiwan nimɔk ŋmee Uwumbɔr Aagbaŋ ponn ni na, ni ŋmee ke ti bae ni la. Waagbaŋ pɔɔni timi aataakpab, ki ter timi ti li kpa limɔr, ki tii timi limakl.

Rom Yaab 4:23

Ni ŋmee kina le Uwumbɔr Aagbaŋ ni. Timi pu le bi nan ŋmee kina, naa ye Abraham baanja pu; ba pu? timi bi gaa Uwumbɔr u nan fikr Tidindaan Yesu nkun ni ki kii na, le u ga len ke timi aabɔr ŋan.

1 Korenti 10:6

Tibɔr timina ye nsurm le ki tii timi, ke ti taa ban tiwan ni kaa ŋan na, ke baah nan ban pu na.

1 Korenti 7:29

Nnaabitiib, maah len pu na le ye ke n‑yoonn mu gur na, mu par a. Nima pu na, binib bi kpa puutiib na, bi li bi ke baah kaa kpa le na;

1 Korenti 9:10

Waah len pu na, waa len ke u ter ti mu la aa? Mbamɔn, timi pu le ni ŋmee kina. Ba pu? ni ŋan ke unii u ko kisaak na, ni unii u poi njikaabim na li kpa limakl ke bi ga kan ni ponn ni ki ji.

Galantiya 4:24

Bipiib bilee ngbaan aabɔr kpa ŋitaa la. Unaagbiipii u bi nan yin u ke Hagar na nan ma nnaagbiibim la. Hagar aabɔr ŋaŋ Moses aakaal la; ba pu? Moses aakaal joo binib tinaagbiir la. Uwumbɔr nan tii Moses nkaal ngbaan Sainai aajool paab.

Filipi 4:5

Ni li bi suuna binib mɔmɔk chee man. Tidindaan ga gir ni dandana wee.

Hiibru Yaab 10:25

Cha ti li beenin kuuni tɔb chee ki ti dooni Uwumbɔr man, ki taa di cha, ke binib bibaa aah di cha pu na. Ni li pɔɔni tɔb aataakpab man. Ni kan ke bundaln Yesu Kristo ga gir ni na peen ni. Nima na, ni li moo pɔɔni tɔb aataakpab man.

Hiibru Yaab 10:37

Uwumbɔr Aagbaŋ len ke, “Naan yunn, u choo na ga fuu ni, kaan taan.

1 Jɔnn 2:18

Maabim, ni yaa kpee siib kan, kookoo aayoonn ga fuu ni. Ni nan ŋun ke Yesu aadin ga dan. Dandana wee Yesu aadim fuu ni ki wiir. Nima pu le ti nyi ke ni yaa kpee siib kan, kookoo aayoonn ga fuu ni.