1 Korenti 10:10 - Uwumbɔr aagbaŋ

¹⁰ Ni mu taa ŋulni ke bi ponn ni bibaa aah nan ŋulni pu ki cha Uwumbɔr aakun aatuun ku bi na.

UWONBƆR A GBƆNPƆŊ LIKƆƆNL

¹⁰ Ni laa ŋulin ni, ke bi ni bibam kaah nan ŋulin man wee nkum a malaka nan dan ki nan ku bi nni.

1 Korenti 10:10 ပူးပေါင်းရင်းမြစ်များ

2 Samuel 24:16

Uwumbɔr aatuun aah nan ban ti bii Jerusalem na, le Uwumbɔr kpeln waalandak, waanib aatafadaan ngbaan pu, ki bui waatuun mu bi ku bi na ke, “Sil nima. Ni ŋeer kina.” Uwumbɔr aatuun ngbaan nan ti fuu Jebus aatiŋ aanii Arauna aadipoipaal na chee la, le Uwumbɔr bui u kina.

1 Bibɔrb Aabɔr 21:15

le ki tun waatuun ke mu ti bii Jerusalem, tɔ, u nan kpeln waalandak le ki bui ntuun ngbaan ke, “Sil nima. Ni ŋeer kina.” Uwumbɔr aatuun ngbaan nan ti si Jebus aatiŋ aanii Arauna aadipoipaal chee la.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Ilahn 106:25

Bi nan gaar baakakar ponn ni le ki ŋulni, kaa pel Uwumbɔr aah len pu na.

Nnyam 12:23

N‑yoonn mu Uwumbɔr yaa nan dan ke u chuun Ijipt aatiŋ ni ki ku bi na kan, u yaa nan kan nsin ngbaan nimi aadichal aabisamɔi pu kan, waan cha nkun aatuun koo nimi aadichal ni ki ku nimi.

Nnyam 15:24

Le binib ngbaan nan ŋulni Moses pu ki baa u ke, “Ti ga nyu ba?”

Nkahm 14:2

Bi nan len Moses ni Aaronn tibɔr ti kaa ŋan na ki bui ke, “Ti yaa ba kpo Ijipt aatiŋ ni, bee nteersakpiin ni do kan, ni ba soor.

Nkahm 16:11

Aa ni saanib ngbaan aah bi galni Aaronn buyoonn na, Uwumbɔr le ni bi galni.”

Nkahm 16:41

Naah woln kitaak na, le binib mɔmɔk di dab Moses ni Aaronn le ki bui ke, “Nimi le ku Uwumbɔr aanib ngbaan ngem.”

Nkahm 17:10

Uwumbɔr nan bui Moses ke, “Di Aaronn aadabil giin ti bil Maakaal Aadakaa taab. Li ga li dɔ nima, ki ye nsurm ki tii Israel yaab bi yii mi na, ke bi yaa kaa di cha baah len tibɔr ti kaa ŋan na kan, bi ga kpo.”

Nkahm 17:5

Le uyidaan u m nyan na aadabil ga bunn tifasɔnn. Kina le m ga cha Israel yaab taa ki li ŋulni ni pu.”

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Filipi 2:14

Naah ŋani tiwan nimɔk na, ni taa li ŋulni, ki taa kpak kinikpakpak,

Hiibru Yaab 11:28

Waah nan gaa Uwumbɔr ki kii pu na le u nan bui Israel yaab ke bi kɔr ipihbi, ki di nsin gbaa gbaa ibisamɔi, aan Uwumbɔr aatuun u ga ku mbipolb na taa nan ŋa bi nibaa.

Juud 1:16

Bibiindam ngbaan ŋulni n‑yoonn mɔmɔk; tiwan nibaa aa mɔ bi chee. Bi dii tiwan ni kaa ŋan na aakpeek, ki len mpɔɔn pu ki kpa kipupuk, ki pak biwankpadam, ŋimombil pu.

Tibɔkpiirkaan 16:1

Le m ŋun nneel sakpiin nyan ni Uwumbɔr Aadichal ni, ki tuk Uwumbɔr aatuuntiib bilole ngbaan ke, “Li cha ti di falaa u bi ŋisambil ŋilole ni na kpir dulnyaa ni; ba pu? Uwumbɔr gee liŋuul bi pu.”