1 Korenti 10:1 - Uwumbɔr aagbaŋ

¹ Nnaabitiib, m ban ke ni bee ke ntaalangbam nan sunn ni ki mɔk tiyaajatiib nsan. Le Uwumbɔr nan tii bi nsan nnyusakpem aakaasisik ni, bi puur.

UWONBƆR A GBƆNPƆŊ LIKƆƆNL

¹ N nabum maa ban ni laa nyi ibamɔn nni, ke ti yaajam biɛn nan lagin be kitilangbɔŋ a lɔŋin le, ki lagin don limɔgil.

1 Korenti 10:1 ပူးပေါင်းရင်းမြစ်များ

Nehemia 9:19

Le saa nan san cha bi nteersakpiin ngbaan ni, ba pu? saanimbaasaln wiir sakpen. Saa nan cha ntaalangbam mu nan mɔk bi nsan nwiin pu, ni mmii mu nan mɔk bi nsan kinyeek na siir cha bi.

Ilahn 105:39

Uwumbɔr nan di ntaalangbam le biin waanib pu, ki tii bi mmii kinyeek ke mu tii bi nwiihn.

Ilahn 66:6

U cha nnyusakpem kpaln kitikuun; tiyaajatiib chuun bitaa pu le ki puur limɔɔl. Nima chee le ti nan mɔɔni waah tun pu na pu.

Ilahn 78:53

U nan cheen bi mbamɔm, le ijawaan aa nan joo bi; u cha nnyusakpem nan biin baadim pu, ki di bi buen.

Nnyam 14:29

Israel yaab ma nan chuun kitikuun pu le nnyusakpem ngbaan ni, le mu kpaln ŋigon ki si ŋipepel mɔmɔk ŋilee.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nkahm 14:14

bi ga tuk binib bi bi kitiŋ ngbaan pu na. Binib ngbaan ŋun saah bi ti chee pu na, ki kpiir saanaŋ mɔk timi ntaalangbam mu bii ti pu na ni, le nwiin pu kan, aa bi ntaalangbam ni le ki loln ti pu nsan, le kinyeek kan, ntaalangbam ngbaan ye mmii ki wiin ti pu.

Nkahm 33:8

Bi nan fii Pi Hahirof aatiŋ ni, ki ti puur Nnyusakpem Mamam, ki koo Sur aateersakpiin ni; baah nan chuun ki ti saa iwiin itaa na, le bi kal Mara aatiŋ ni.

Jɔnn 4:20

Timi Samaria yaab aayaajatiib nan dooni Uwumbɔr lijool limina paab la, le nimi Juu yaab ma bui ke ni ŋan ke binib li dooni Uwumbɔr Jerusalem aatiŋ ni.”

Rom Yaab 1:13

Nnaabitiib, m ban ke ni bee ke n‑yoonn mɔmɔk m nan ban ke m dan ni chee, le kaa kee ŋmaa dan. M ban ke m cha binib gaa Yesu ki kii Rom aatiŋ ni, ke maah ŋa pu ntim muken ponn ni na.

Rom Yaab 11:21

U nan daa Juu yaab aatafal. Ni li nyi ke u ga ŋmaa daa ni mu aatafal.

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

1 Korenti 12:1

Nnaabitiib, m ban ke ni bee tibɔr ti joo cha Uwumbɔr Aafuur Nyaan aapiin wɔb na la.

1 Korenti 14:38

Unii yaa kaa gar maah ŋmee pu na kan, ni mu taa gar u.

Galantiya 3:29

Ni ye Kristo aanib la. Nima le ni ye Abraham aayaabitiib. Le ni ni u ga kan tiwanyaan ni Uwumbɔr nan puu tipuur ke u ga tii nimi paacham na.

Ikaal 1:33

Hali, waah lolni ni pu nsan ki ti ban nkakaayaan tii nimi pu na, naa ban ni ŋun tii u. Waah nan ban u mɔk nimi nsan na, kinyeek kan, u nan bi mmii ni ki wiin, le nwiin pu kan, u nan bi ntaalangbam ni ki loln ni pu nsan.

Hiibru Yaab 11:29

Israel yaab aah nan ban ke bi puur Limɔɔkal Aanyusakpem, baah nan gaa Uwumbɔr ki kii pu na, le nnyun nan yakr ki cha nsan tii bi, le bi puur. Ijipt aatiŋ aanib aah nan ban bi mu puur na, bi nan bee nnyun ni la.

Josua 4:23

Ni ki tuk bi ke Nidindaan Uwumbɔr le nan cha nnyun sil, kaa ki puu Jɔɔdann Aamɔɔl ngbaan ni, le kitiŋ kuur, le ni mɔmɔk chuun ki puur ti doo, ke waah nan cha Limɔɔkal Aanyusakpem foor pu ti chuun kitikuun pu ki puur pu na.