1 Korenti 1:31 - Uwumbɔr aagbaŋ

³¹ Nima pu na, ni li ŋani naah ŋmee Uwumbɔr Aagbaŋ ponn ni pu na ke, “Unii umɔk ban u li kpa kipupuk na, u li kpa kipupuk Uwumbɔr pu.”

UWONBƆR A GBƆNPƆŊ LIKƆƆNL

³¹ Ke naah sɔb Uwonbɔr a gbɔŋin man ni, ke, “Wan far u gbingbanl ke, u li far u gbingbanl Uyudaan kaah tun nan nin bu.”

1 Korenti 1:31 ပူးပေါင်းရင်းမြစ်များ

1 Bibɔrb Aabɔr 16:10

Taah ye waanib pu na, cha tisui li piin man. Cha binib bimɔk dooni u na li kpa mpopiin.

1 Bibɔrb Aabɔr 16:35

Ni bui u ke, “Uwumbɔr, timi Aaŋmaŋmardaan, gaa timi lii; kuun timi nan kpaan, ki nyan ni timi ŋitimbol ni, aan ti ga li kpa idoon ki pak saayimbil li bi chain na.”

Ilahn 105:3

Taah ye waanib pu na, cha tisui li piin man; Cha binib bimɔk dooni u na li kpa mpopiin.

Ilahn 34:2

M ga pak u waah ŋa tiwan ni na pu; cha binib bi bi limukl ni na li ŋun aan bisui piir.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Rom Yaab 4:2

Ni yaa ba ye waatunyaan pu le cha Uwumbɔr len ke waabɔr ŋan kan, u ba ga ŋmaa li kpa kipupuk. U mu aa ŋmaa li kpa kipupuk Uwumbɔr chee.

1 Korenti 4:6

Nnaabitiib, maah len pu na, m len ŋaŋ m ni Apolos aabɔr, ke m ter nimi la. M ban ke ni dii Uwumbɔr Aagbaŋ aah len pu na. Ni taa li kpa kipupuk ubaa pu ki lik uken fam.

2 Korenti 10:17

Uwumbɔr Aagbaŋ len ke, “Unii umɔk ban ke u puk kipupuk na, cha u puk kipupuk Uwumbɔr pu.”

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.