1 Bibɔrb 9:7 - Uwumbɔr aagbaŋ

⁷ m ga nyan maanib Israel yaab kitiŋ ki m di tii bi na ni. M ga nya cha Lidichal limina li m ŋa li chain ke li li ye nin chee bi ga li dooni mi na. Binib bi bi ni mɔmɔk na ga li ŋani Israel aanib yaansara, ki lik seeni bi.

1 Bibɔrb 9:7 ပူးပေါင်းရင်းမြစ်များ

1 Bibɔrb 9:3

Uwumbɔr nan bui u ke, “M ŋun saameel. M gaa Lidichal limina, li li ye nin chee bi ga li dooni mi n‑yoonn mɔmɔk na, ki ŋa li chain.

2 Bibɔrb 25:21

ki bi Hamaf aapepel ni na chee. Nima chee ubɔr ngbaan nan ti cha bi ku bi. Kina le bi nan di Juda aanib buen tinaagbiir ni ki cha baatiŋ.

2 Bibɔrb 25:9

U nan see Uwumbɔr Aadichal, ni libɔrdichal, ni binikpaam bi mɔmɔk nan bi Jerusalem aatiŋ ni na aadichal lii;

2 Bibɔrb Aabɔr 36:19

U nan see Uwumbɔr Aadichal, ni kitiŋ ngbaan lii; u nan see kaabɔrdichal mɔmɔk ni laawangol lii, le ki gbaa wiil kitiŋ ngbaan aagon.

2 Bibɔrb Aabɔr 7:20

le m ga nyan nimi kitiŋ ki m di tii nimi na ni, le ki ga nya cha Maadichal li m ŋa li chain ke li li ye nin chee bi ga li dooni mi na. Binib mɔmɔk ga li joo li ŋani yaansara ki lik seeni li.

Ilahn 44:14

Aa di timi ŋa yaansara aawan le ŋitimbol ŋiken chee; bi laa timi le ki gbakr biyil.

Ilahn 44:15

N‑yoonn mɔmɔk kan, m bi inimɔɔn ni la;

Ilahn 69:11

m pee ŋikpokeken, le bi laa mi.

Aisaya 65:15

Maanib bi m nyan bi na ga li joo nimi aayimbil le puuni lir binib pu, ke bi li bee fam ke nimi na. Min, Bidindaan Uwumbɔr le ga ku nimi, le ki tii binib bi kii maamɔb na liyimbipɔln.

Jeremia 24:9

Maah ga cha tibɔbir ti aaboln dan bi pu na ga chuu dulnyaa aatimbol mɔmɔk ijawaan. Binib ga ŋa bi yaansara, ki ŋa bi mbɔnyun, ki li laa bi, ki li joo baayimbil puuni lir biken pu baah yaa ki bi ni kookoo na.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 26:6

Ni yaa beenin yiil kan, m ga bii Maadichal lee ke maah nan bii Silo aatiŋ pu na, le dulnyaa wee aatimbol mɔmɔk ga li joo Jerusalem aayimbil puuni lir biken pu.”

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 52:13

U nan see Uwumbɔr Aadichal, ni libɔrdichal, ni binikpaam bi mɔmɔk bi Jerusalem na aadichal lii;

Inandalahn 1:8

Kaanyuŋ doo a; ki gur nkuun la, le bi gur lik ki fam. Ki ker idun le ki bɔrni inimɔɔn pu. Jerusalem aatiŋ di titunwanbir le ŋa kibaa tijɔŋ.

Inandalahn 2:17

Uwumbɔr nan ŋa waah faan ke u ga ŋa pu na. U kuln timi kaa san timi kinimbaak, ke waah nan sak timi n‑yoonn mu jer na pu na. U tii timi aadim linyaŋ, u cha ti lir le ki tii bi mpopiin.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 5:15

“Maaŋuul yaa fii ni pu sakpen aan m daa nitafal liŋuul pu kan, ijawaan ga chuu ŋitimbol ŋi mann goln nimi na. Biponn ni ga li sukr ni pu, le bi ga li joo nimi ŋani yaansara.

Hosea 9:3

Israel aanib aan ki li bi Uwumbɔr aatiŋ pu, bi ga gir buen Ijipt aatiŋ ni, ki ga ti li ji tijikaar ti bi kɔ na Asiria aatiŋ ni.

Joel 2:17

Bitotoorb bi tun Uwumbɔr aatuln, waatork aabimbiln ni Waadichal aabisamɔb aakaasisik ni na; ni li mee Uwumbɔr ni tinyunyunn ke: “Uwumbɔr, san saanib kinimbaak. Taa cha ŋinibol ŋiken lik timi fam ki ŋa timi mbɔnyun ki len ke, ‘Nimi Aawumbɔr ngbaan bi la?’”

Maika 3:12

Kina pu na, nimi pu le bidim ga kpar Sionn ke lisikpel na, le Jerusalem kpaln tibir aatapuln, le Uwumbɔr Aadichal aagongoln kpaln kichook.

Matiu 23:38

Lik, Uwumbɔr siir cha nimi.

Matiu 24:2

Le u bui bi, “Ni kan tiwan nimina mɔmɔk aa? M tuk nimi la, bi ga nan gbaa wii lidichal limina mɔmɔk. Litakpal libaa aan ki li paa liken pu.”

Tibɔnyaan ti Luk ŋmee ti na 21:24

Bi ga di kijaak aajum ku bibaa, ki ga chuu bibaa mu tinaagbiir ki di buen ŋinibol mɔmɔk aakaasisik ni. Le binib bi kaa ye Juu yaab na ga bii Jerusalem ki ti saa baayoonn aah ga doo pu na.”

Ikaal 28:37

Ntim mu ponn ni Uwumbɔr ga cha ni yaa ki koo mu ni na, binib ngbaan aapobil ga yuk tiwan ni ŋa nimi na pu, le bi ga ŋa nimi mbɔnyun ki nyei nimi.

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.