1 Bibɔrb 9:3 - Uwumbɔr aagbaŋ

³ Uwumbɔr nan bui u ke, “M ŋun saameel. M gaa Lidichal limina, li li ye nin chee bi ga li dooni mi n‑yoonn mɔmɔk na, ki ŋa li chain.

1 Bibɔrb 9:3 ပူးပေါင်းရင်းမြစ်များ

1 Bibɔrb 8:29

Li kii Lidichal limina nwiin pu, ni kinyeek mɔmɔk, nin chee aa lee ke bi li dooni si na le na do. M yaa di nnimbil toŋ Lidichal limina ki mee si kan, aa ŋun maameel.

2 Bibɔrb 20:5

ke u gir buen Hesekia u ye uma Uwumbɔr aanib aajojoor na chee, ki ti bui u ke, “Min Uwumbɔr u ye aayaaja David Aawumbɔr na ŋun saameel, ki kan saanyunyunn. M ga cha saaween sɔŋ, ki joo cha ni iwiin itaa na aa ga buen Uwumbɔr Aadichal ni.

2 Bibɔrb 21:7

U nan naan liwaapii Asera aanaŋ siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ponn ni do chee na, Uwumbɔr Aadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni, ke binib li dooni mi na.

2 Bibɔrb Aabɔr 33:7

U nan naan liwaal libaa siin Uwumbɔr Aadichal li ponn ni Uwumbɔr nan bui David ni ujapɔɔn Solomonn ke: “Jerusalem ni, do chee na, Maadichal limina ponn ni, le ye nin chee m nyan Israel aanibol kipiik ni ŋilee aapepel mɔmɔk ni ke binib li dooni mi na.

2 Bibɔrb Aabɔr 6:40

“Tɔ, Maawumbɔr, lik ni timi, ki pel ŋimee ŋi ti joo tii si lidichal lee ni na.

Esra 6:12

Uwumbɔr u lee Jerusalem ke bi li dooni u nima chee na, cha ubɔr, bee litimbol li yii nkaal mue ki pɔɔn bibaa ke bi ber uma Uwumbɔr Aadichal ngbaan nima chee na lir. Min Darius le siin nkaal ngbaan. Unii mɔmɔk li joo mu mbamɔm.”

Ilahn 10:17

Uwumbɔr, aa ga ŋun binib bi sunn bibaa taab na aameel, aa ga pɔɔk bitaakpab.

Ilahn 116:1

Uwumbɔr aah ŋun maayim pu na, le m gee u, u pel maameel,

Ilahn 34:17

Binib bi aabimbin ŋan na yin Uwumbɔr, le u ŋun; u nyani bi baabɔr mɔmɔk ni.

Ilahn 65:3

Binib ga nya ni kookoo ki dan aa chee, baatunwanbir pu. Timi aataani nyaŋ timi la, le aa ma joo cha pinni timi aataani.

Ilahn 66:19

Tɔ, Uwumbɔr tee pel m chee; u pel maameel.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Nnyam 29:44

M ga ŋa Libool, ni kitork aabimbiln ngbaan chain. M ga nyan Aaronn ni waabijabim le bi li ye maatotoorb.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 7:10

Ni ŋani tiwan ni maa gee ni na, le ki dan nan sil nnimbiin ni, min mbaa Aadichal ni, ki bui ke, ‘Ti kpa ŋŋmarm.’

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.

Nkahm 16:38

Baah nan di ŋi tii Uwumbɔr buyoonn na, le u ŋa ŋi chain. Kina pu na, chuu nyan ŋisambil ngbaan bijab bi kpo baatunwanbir pu na aaŋaal ni, ki di ŋi mɔɔ tiwan biin kitork aabimbiln pu. Tiwan ngbaan le ga li ye limɔkl ki tii Israel yaab mɔmɔk.”

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Jɔnn 11:42

M nyi ke n‑yoonn mɔmɔk aa ŋun maah len aa chee pu na. Kinipaak ki si do na pu, le m len kina, ke bi pak ke sin le tun ni mi.”

Lituln 10:31

ki bui ke, ‘Konelius, Uwumbɔr ŋun saameel, ki teer saah ter bigiim pu na.

Ikaal 11:12

Nidindaan Uwumbɔr le joo kitiŋ ngbaan, ki lik ki n‑yoonn mɔmɔk.

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Ikaal 12:21

Naah dooni Uwumbɔr nin chee na yaa daa sakpen, aan ni yaa gee ke ni kɔr tiwakor ti Uwumbɔr tii nimi na tibaa, ki ŋmɔ linampal na kan, ni ga ŋmaa ŋa kina, maah tuk nimi pu na.

Ikaal 12:5

Nimi aanibol mɔmɔk aah ga kal nin chee na, Uwumbɔr ga nyan nibaa chee, le ni ga choo unimbiin ni, ki nan dooni u nima.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

1 Jɔnn 5:14

Ti kpa lipobil ki mee Uwumbɔr ki bee ke ti yaa mee u tiwan ni ye waageehn na kan, u ŋun timi aameel la.