1 Bibɔrb 9:1 - Uwumbɔr aagbaŋ

¹ Ubɔr Solomonn aah nan maa Uwumbɔr Aadichal, ni nnaan aadichal, ni tiwan ni mɔmɔk waalandak nan ban ke u ŋa na doo na aapuwɔb,

1 Bibɔrb 9:1 ပူးပေါင်းရင်းမြစ်များ

1 Bibɔrb 3:1

Solomonn nan yoor Ijipt aatiŋ aabɔr aabisal, le ki cha u ni ubɔr ngbaan ŋa limaantɔl. U nan yoor ni u, le ki nan cha u koo David Aatiŋ ni, le u ti nin maa waabɔrdichal, ni Uwumbɔr Aadichal, ni ligoln li mann goln Jerusalem na doo.

1 Bibɔrb 6:37

Libiln aaŋmalee, u bi yin u ke Sif na ni, le bi nan piin lidinyikl aamaam. Solomonn aanaan ni aabinanar ni, le nan bi na.

1 Bibɔrb 7:1

Solomonn nan maa ubaa aabɔrdichal mu, u nan di ŋibin kipiik ni ŋitaa le maa li.

1 Bibɔrb 7:2

Kinaakook ki bi nan yin ki ke Lebanonn Aachook na aafɔfɔk nan ye ŋitaa nkub ni piiŋmu la, le nwawaan ye ŋitaa imonko itaa ni kipiik ni ŋiŋmu, le kaah paa paacham pu na ye ŋitaa imonko ilee ni ŋiŋmu. Ki nan kpa santina aajaatɔlk ŋiker ŋitaa pu la. Liker libaa mɔk nan ye jaatɔlk tiib kipiik ni biŋmu la, le santina aadɔpuinkee paa bi pu. Bi nan di santina aapiln le ŋeeb paab, ki ti kpaan naa tiwan aah sii tidir ti ponn ni na, le jaatɔlk tiib tek ti.

1 Bibɔrb 7:51

Ubɔr Solomonn aah nan doo Uwumbɔr Aadichal ni aatuln mɔmɔk na, le u di tiwan ni mɔmɔk ute David nan di tii Uwumbɔr na ŋa Lidichal ngbaan aawan aadir ponn ni. Nima le ye tikunabr, ni salmaa, ni tiwan niken na.

1 Bibɔrb 8:66

Winiin daal le Solomonn nan cha binib ngbaan kun. Bi mɔmɔk nan pak u, le ki kun, ki kpa mpopiin, Uwumbɔr aah nan di tinyoor ti mɔmɔk tii waatutunn David, ni waanib Israel yaab na pu.

1 Bibɔrb 9:10

Solomonn nan di ŋibin moninko le maa Uwumbɔr Aadichal, ni waabɔrdichal.

1 Bibɔrb 9:11

Taya aabɔr Hiram le nan tii u santina, ni isui iken aadɔ, ni salmaa u mɔmɔk u nan ban ke u di tun lituln ngbaan na. Naah doo na aapuwɔb, le Ubɔr Solomonn nan tii Hiram ntim moninko, Galilee aapepel ni.

1 Bibɔrb 9:19

ni ntim mu ponn ni waawanbankaan nan si si na, ni ntim mu waataan, ni yaatɔroku tiib nan bi na, ni waah nan ban ke u maa tiwan ni mɔmɔk Jerusalem aatiŋ ni, ni Lebanonn aatiŋ ni, ni waanaan ni, nimɔk u gee na.

2 Bibɔrb Aabɔr 7:1

Ubɔr Solomonn aah mee waameel doo na, le mmii nyan ni paacham ki nan gaa kitork ki bi toor tii Uwumbɔr na. Le Uwumbɔr aawiihn mu moor ki deer ŋinimbil ni na gbiin Uwumbɔr Aadichal ngbaan.

2 Bibɔrb Aabɔr 7:11

Solomonn aah nan doo Uwumbɔr Aadichal ni nnaan aadichal, ki ŋmaa nyaŋ ki ŋa tiwan nimɔk waalandak nan ban ke u ŋa ni pu na,

2 Bibɔrb Aabɔr 8:1

Solomonn nan di ŋibin moninko le ki di maa Uwumbɔr Aadichal, ni waabɔrdichal.

2 Bibɔrb Aabɔr 8:6

ki kpee Baalaf aatiŋ, ni ntim mumɔk ponn ni bi nan joo tiwanbankaan siini na, ni ntim mu ponn ni waataan ni yaatɔroku tiib bi na. U nan maa Jerusalem ni Lebanonn ponn ni ntamaam mu u nan ŋa nlandak ke u maa na, u nan ŋa kina lipepel limɔk nan ye uyaan na ponn ni.

Ulandaan 2:10

M nan kani tiwan nimɔk m ban na. M nan ji mmɔɔn maah gee pu na la. M nan mak maah tun ki kan tiwan ni mɔmɔk na pu. Nimina mɔmɔk nan ye maapar la.

Ulandaan 2:4

M nan ŋa tiwankpaan pam. M nan maa ŋidichal ki ŋum ndaan aasubil aasui.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.