1 Bibɔrb 8:6 - Uwumbɔr aagbaŋ

⁶ Le bitotoorb nin yoor Nkaal Aadakaa ngbaan di koon Chain Chain Aapepel ni, ki ti di u siin tiwan ni kpa ifeen na aataab, Uwumbɔr Aadichal ni.

1 Bibɔrb 8:6 ပူးပေါင်းရင်းမြစ်များ

2 Samuel 6:17

Bi nan joo ni Dakaa ngbaan, le ki nan di siin David aah ŋa likekeln aabool li siin Dakaa ngbaan pu na ponn ni. Le u toor kitork ki bi see mmii ni na, ni kimɔbaan aatork tii Uwumbɔr.

2 Samuel 6:2

ki di bi buen Juda aatiŋ ki bi yin ki ke Baala na ni, ke bi ti yoor ni Uwumbɔr Aakaal Aadakaa, u Uwumbɔr u yeh mpɔɔn mɔmɔk na aayimbil bi u pu, aan u bi tiwan ni kpa ifeen na aapaacham na.

1 Bibɔrb 6:16

Ponn ni aadiik ki bi yin ki ke Chain Chain Aapepel ni na, nan bi Uwumbɔr Aadichal ngbaan aapuwɔb la. Kaafɔfɔk nan ye ŋitaa piitaa, le bi di santina aadɔ ki chol kiir ki, ki nyan kitiŋ ki ti tuu ilɔkdɔ.

1 Bibɔrb 6:19

Uwumbɔr Aadichal ngbaan aapuwɔb na, bi nan maa ponn ni aadiik kibaa, le ki di Uwumbɔr Aakaal Aadakaa siin nima.

1 Bibɔrb 6:27

Ni nan si kpak tɔb Chain Chain Aapepel ni, le naah taln ifeen pu na ilee ti tuu tɔb kidiik ngbaan aasisik ni, le ilee i gur na nibaa aafeen ti tuu lidigbimal libaa, le nee mu yoo ti tuu liken.

1 Bibɔrb 8:3

Bisalolm ngbaan mɔmɔk aah nan kuun na, le bitotoorb yoor Nkaal Aadakaa na,

1 Bibɔrb 8:4

le ki tun u buen Uwumbɔr Aadichal ni. Liifai yaab, ni bitotoorb nan ki yoor Uwumbɔr Aabool, ni laawan mɔmɔk, di buen Uwumbɔr Aadichal ni.

1 Bibɔrb 8:7

Naafeen nan taln biin Dakaa ngbaan, ni idɔ i bi joo tui u na pu.

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

2 Bibɔrb Aabɔr 5:7

Le bitotoorb nin yoor Uwumbɔr Aakaal Aadakaa ngbaan koon Chain Chain Aapepel ni, Uwumbɔr Aadichal ponn ni, ki di ti siin tiwan ni kpa ifeen na aataab.

Ilahn 80:1

Israel yaab Aakikiir, li pel ni ti chee; sin u lolni saanib pu nsan na, ŋun ni ti chee. Sin u ka saabɔrjal pu, tiwan ni kpa ifeen na aapaacham,

Ilahn 80:2

di aabaa mɔk Efraim, ni Benjaminn, ni Manase aanibol. Mɔk timi saapɔɔn, ki nan gaa timi lii.

Ilahn 99:1

Uwumbɔr le ye ubɔr, le binib aawon gbaa. U ka waabɔrjal pu, tiwan ni kpa ifeen na aapaacham, le kitiŋ jii.

Nnyam 37:9

Tiwan ngbaan si libiil pu le ki tok tɔb, le naafeen bii li pu.

Aisaya 37:16

“Uwumbɔr Mpɔɔnsakpiindaan, timi Israel yaab Aadindaan u ka waabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Aa naan taab ni paacham.

Esekiel 10:5

Tiwan ngbaan aafeen aafuuk nan ti nya lipaal aachiln ni. Ni nan naahn Uwumbɔr Mpɔɔnsakpiindaan aaneel la.

Esekiel 41:4

U nan ŋaŋ kidiik ngbaan, ki kan ke ki ye ŋitaa piitaa ni ŋinaa le ŋipepel ŋinaa mɔmɔk pu. Kidiik kimina nan bi kaasisik ni aadiik na aapuwɔb la. U nan bui mi ke, “Chain Chain Aapepel ni sɔ do.”

1 Samuel 4:4

Le bi tun binib Silo aatiŋ ni, ke bi ti yoor ni Uwumbɔr Mpɔɔnsakpiindaan u bi tiwan ni kpa ifeen na aapaacham na Aakaal Aadakaa. Le Eli aajapɔtiib bilee na, Hofni ni Fineas, mu dii buen.