1 Bibɔrb 8:53 - Uwumbɔr aagbaŋ

⁵³ Aa lee bi binib mɔmɔk ponn ni, ke bi li ye aabaa aanib, ke saah nan cha saatutunn Moses tuk bi pu, buyoonn aa nan nyan ni tiyaajatiib Ijipt aatiŋ ni na.”

1 Bibɔrb 8:53 ပူးပေါင်းရင်းမြစ်များ

2 Samuel 20:19

Timi aatiŋ ye kitikpaan la; ki ye Israel aatiŋ ki bi suuna, ki kii tii ubɔr na. Ba ŋa aa ban aa bii ki? Aa ban aa bii doo tiwan ni ye Uwumbɔr yaan na la aa?”

Nnyam 33:16

Aa yaa kaa dii timi buen kan, ni ga ŋa kinye aan unii bee ke aasui piin m ni saanib pu? Saah bi ti chee pu na le ga cha ti ni biken aabimbin taa li kpaa dulnyaa wee ni.”

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Nkahm 23:9

Maah si ŋitakpal fɔfɔŋ ŋee pu na, m waa bi; maah si ŋigongon ŋee pu na, m waa bi. Bi ye linibol li kaa di libaa ŋmal biken ponn ni na la. Bi nyi ke bi kan tinyoor jer ŋinibol ŋiken.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 32:9

le ki nyan Jakob aamaal ke bi li ye waanib.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.