1 Bibɔrb 8:11 - Uwumbɔr aagbaŋ

¹¹ ki wiin, ki joo Uwumbɔr aawiihn mu moor lak lak na, le baa nan ki ŋmaa gir koo ki ti tun baatun.

1 Bibɔrb 8:11 ပူးပေါင်းရင်းမြစ်များ

1 Bibɔrb 8:10

Bitotoorb aah nan bi nya Uwumbɔr Aadichal ni na, libuul ngbaan ni, le ntaalangbam kpaan gbiin li ponn ni

1 Bibɔrb 8:12

Le Solomonn mee limeel ke: “Uwumbɔr, si le di nwiin kaan kitaapaak, le ki tee gee ke aa li koo ntaalangbam ni, mbɔmbɔɔn ni.

Ilahn 90:16

Cha timi saatutum kan saapɔɔn sakpiin aatun; Cha timi aayaabitiib kan saapak sakpeŋ.

Nnyam 29:43

Nima chee le m ga pii maanib, Israel yaab, le maawiihn mu moor lak lak na ga ŋa nima chee chain.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nnyam 40:35

Nimina pu na, Moses aa nan ŋmaa koo Libool ngbaan ni.

Aisaya 6:1

Libiln li ponn ni ubɔrkpaan Usia nan kpo na, le min Aisaya nan kan Ndindaan. U nan ka waabɔrjal pu, ki kpa bunyuŋ, le waawanpeenkaan gbiin waadichal ngbaan mɔmɔk.

Esekiel 10:4

Nwiihn mu deer ŋinimbil ki mɔk ke Uwumbɔr bi nima chee na nan fii tiwan ni kpa ifeen ngbaan na chee ki ti sil Uwumbɔr Aadichal aabisamɔb chee. Ntaalangbam na nan ti gbiin Lidichal ngbaan, le lichiln ni mɔmɔk woln chain.

Esekiel 43:2

le m kan nima chee nwiihn mu deer ŋinimbil na nyan ni liwipuul wɔb ki ye Israel yaab Aawumbɔr aawiihn. Uwumbɔr aaneel nan ŋuun ke nnyusakpem aafuuk na, le nwiihn mu deer ŋinimbil na woln kitiŋ pu chain.

Esekiel 44:4

Uja ngbaan nan ki yoor mi dii ŋŋangan wɔb aabisamɔb nyan ki di mi fuu Uwumbɔr Aadichal aabisamɔb wɔb. Maah si lik na, le m nan kan ke Uwumbɔr aawiihn mu deer ŋinimbil na gbiin Waadichal ni. M nan tar lir kitiŋ lichichikr,

Liifai Yaab 9:23

Moses ni Aaronn nan buen Uwumbɔr Aabool ni; baah nyan ni na, le bi mee Uwumbɔr aanyoor ŋa bi pu, le Uwumbɔr aawiihn mu moor ki deer ŋinimbil na sunn ni bi mɔmɔk pu.

Liifai Yaab 9:6

Le Moses bui bi ke, “Uwumbɔr le tuk nimi ke ni ŋa tiwan nee mɔmɔk, aan nima kan, waawiihn mu moor lak lak na ga nyan ni ni chee.”

Hagai 2:7

M ga nyaŋ ŋitimbol mɔmɔk, ki joo ni ŋaawangol do, le liwangol ga gbiin Maadichal ni.

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Lituln 7:55

Le Stiifen u Uwumbɔr Aafuur Nyaan gbii u na, waan lik paacham, le ki kan Uwumbɔr aah wiin chain pu na, le ki kan Yesu si uŋangii wɔb.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

2 Korenti 3:18

Ti mɔmɔk waa Tidindaan aah wiin chain pu na. Nibaa aa bi ki dok timi ke ti taa li waa u. Tidindaan u ye Nfuur Nyaan na le cha ti bi kpelni, ki naŋni u, ki moo wolni n‑yoonn mɔmɔk, ke waah wiin chain pu na.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Tibɔkpiirkaan 21:11

ki wiin chain Uwumbɔr aanyuŋ pu, ki wiin chain ke lichachatakpal li kpa kidaak aan bi yin li ke Jaspa na aah wiin pu na.

Tibɔkpiirkaan 21:23

Kitiŋ ngbaan aa ban nwiin ni uŋmal li wiin ki ponn ni; ba pu? Uwumbɔr aah wiin pu na woln ki ponn ni. Kaakaryaa ye Upihbo ngbaan la.