1 Bibɔrb 8:1 - Uwumbɔr aagbaŋ

¹ Ubɔr Solomonn nan yin Israel aanibol, ni itaŋaal aasalolm mɔmɔk, ke bi kuun ni Jerusalem aatiŋ ni, ki nan yoor Uwumbɔr Aakaal Aadakaa nya David aatiŋ Sionn ni, ki di buen Uwumbɔr Aadichal ni.

1 Bibɔrb 8:1 ပူးပေါင်းရင်းမြစ်များ

2 Samuel 6:6

Baah nan ti fuu ni Nakonn aadipoipaal chee na, le inaa i dar tɔroku ngbaan na gbeer, le Usa san ti chuu Uwumbɔr Aakaal Aadakaa ngbaan.

1 Bibɔrb 2:10

David nan kpo, le bi di u sub uma David Aatiŋ ni.

1 Bibɔrb 3:15

Le Solomonn nan finn, ki bee ke Uwumbɔr len u chee tibɔr tidaŋ ni. Le u buen Jerusalem aatiŋ ni, ki ti sil Uwumbɔr Aakaal Aadakaa aanimbiin ni, ki toor kitork ki bi joo seer mmii ni na, ni kimɔbaan aatork, tii Uwumbɔr. Nee aapuwɔb le u ŋa njim tii waaninkpiib mɔmɔk.

1 Bibɔrb Aabɔr 11:7

David aah nan ti koo mpɔɔn aatiŋ ngbaan ni na, le bi gur yin ki ke “David Aatiŋ.”

1 Bibɔrb Aabɔr 15:25

Ubɔr David, ni Israel yaab aasalolm, ni butɔb aajab aayidam le nan buen Obed Edom aadichal ni, bi ti yoor Uwumbɔr Aakaal Aadakaa, le ki nan toor kitork sakpeŋ nima.

1 Bibɔrb Aabɔr 15:29

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni ki kan Ubɔr David aah bi yukr ki waa liwaal mpopiin pu pu na, le u lik seen u usui ni.

1 Bibɔrb Aabɔr 15:3

David nan kuun Israel aanib mɔmɔk dan Jerusalem ni, ke bi ti yoor Uwumbɔr Aakaal Aadakaa kunn ni udo.

1 Bibɔrb Aabɔr 28:1

Ubɔr David nan siin ke Israel aaninkpiib mɔmɔk kuun ni Jerusalem ni. Le ŋinibol mɔmɔk aaninkpiib, ni nnaan aatun mɔmɔk aaninkpiib, ni itaŋaal aasalolm, ni ubɔr ni ujapɔtiib aawangol ni tiwakor mɔmɔk aaninkpiib, ni libɔrdichal ni aaninkpiib, ni bijakpaam, ni binikpaam, mɔmɔk nan kuun Jerusalem ni.

2 Bibɔrb Aabɔr 30:1

Binib ngbaan aa nan ŋman ki jin Lakr‑jer Aajim njan aaŋmal ni ke baah ti ji pu na. Naah nan ye pu na le ye ke bitotoorb pam aa nan toor bibaa, le binib pam mu aa nan kuun dan Jerusalem ni. Nima pu le Ubɔr Hesekia ni waaninkpiib, ni Jerusalem aanib kii tii tɔb ke bi ji mu ŋmalee ni. Le ubɔr ngbaan nan tun tuk Israel ni Juda aanib mɔmɔk. U nan chuu ubaa mbamɔm le ki ŋmee tigbann tii Efraim ni Manase aanibol, ke ŋi dan ki nan ji Lakr‑jer aajim ki nyuŋ bima Israel yaab Aadindaan Uwumbɔr, Uwumbɔr Aadichal ni, Jerusalem aatiŋ ponn ni.

Esra 3:1

Joo cha ni ŋmalole ni na, Israel aanib mɔmɔk nan kal kal baatim ni. Nee aapuwɔb le bi mɔmɔk kuun dan Jerusalem ni,

Ilahn 102:21

Kina pu le bi ga moon waayimbil Sionn ni, le bi pak u Jerusalem ni,

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Nkahm 1:4

Nyan itaŋaal mɔmɔk ponn ni uyidaan ubaabaa, bi li ye Israel yaab aanibol mɔmɔk ni aanib, aan bi ter nimi.”

Josua 23:2

nima pu na, u nan yin ni Israel yaab mɔmɔk, bi nan ye bininkpiib, ni bisalolm, ni bibɔjirb, ni biyidam bi joo binib ngbaan na, le ki nan bui bi ke, “Dandana wee, m por pam.

Josua 24:1

Josua nan kuun Israel aanibol ngbaan mɔmɔk dan ubaa chee Sekem aatiŋ ni. U nan yin baaninkpiib, ni baasalolm, ni baabɔjirb, ni baayidam, le bi mɔmɔk kuun ni Uwumbɔr aanimbiin ni.

1 Piita 2:6

Uwumbɔr Aagbaŋ len ke, “Lik, m lee litakpal li ŋan na ki di bil Sionn aatiŋ ni. M di litakpal ngbaan ki di siin kaalɔlɔŋ ni, le unii umɔk gaa u ki kii na aan ji inimɔɔn.”