1 Bibɔrb 7:16 - Uwumbɔr aagbaŋ

¹⁶ U nan ki di tikumann ŋa tiwanaankaan nilee. Nibaa mɔk aafɔfɔk nan ye ŋitaa ŋilole ni ligeln, ke u di tɔŋ jaatɔlk tiib ngbaan pu.

1 Bibɔrb 7:16 ပူးပေါင်းရင်းမြစ်များ

1 Bibɔrb 7:15

Huram nan naan tikumann aajaatɔlk tiib bilee. Ubaa mɔk aafɔfɔk nan ye ŋitaa moninko ni ŋilole la, le waah filk pu na mu ye ŋitaa kipiik ni ŋiniin. U nan di bi ŋum Uwumbɔr Aadichal aabisamɔb chee la.

1 Bibɔrb 7:17

U nan naan tiwan ni naahn tikululn na tɔŋ bi mɔmɔk bilee aapaacham,

Nnyam 36:38

Bi nan kpii idɔja iŋmu, le ki ŋa ipigɔrkee i pu, le ki di ŋmaan chuu likekeln ngbaan. Bi nan di salmaa aakur le donn biin idɔja ngbaan aapaacham ni taab, le ki di tikumann aakudɔ iŋmu di punn mbisamɔb aadɔja ngbaan aataab.

Nnyam 38:17

Idɔ i nan dɔ taab na nan ye tikumann aakur ŋmeen la, le ipigɔrkee ni tikur aadɔ nan ye tikunabr aakur. Le bi di tikunabr donn biin idɔja na aapaacham. Bi nan ki di tikunabr le ŋa idɔ i bi di punn na.

Nnyam 38:19

Bi nan di li leen idɔja inaa i chɔɔ tikumann aadɔ inaa i dɔ taab na pu la. Ipigɔrkee, ni idɔja paacham, ni tikur aadɔ na, bi nan di tikunabr aakur le ŋa ni.

Nnyam 38:28

Besalel nan di tikunabr aakur ti gur aan taanyunyuun ga li pii ndibim kuruwaa piitaa na mɔɔ tikur aadɔ ni ipigɔrkee ki di dab idɔja pu, ki donn ti gur na biin idɔja ngbaan aapaacham.