1 Bibɔrb 7:14 - Uwumbɔr aagbaŋ

¹⁴ Ute, u kaa nan ki bi na, nan koo Taya aatiŋ ni la. U mu nan ye tikumann aawanŋal kpaan la; Huram aana nan ye Naftali aanibol ni aanii la. Huram nan ye unii u bae ki nyi tiwan aaŋam sakpen na la. U nan kii Ubɔr Solomonn aayim ngbaan, ke u ga li yeh tikumann aatuln mɔmɔk.

1 Bibɔrb 7:14 ပူးပေါင်းရင်းမြစ်များ

2 Bibɔrb Aabɔr 2:14

Una nan ye Dann aanibol ni aanii ubaa la, le ute nyan ni Taya aatiŋ ni. U nyi waah ga di salmaa, ni tikunabr, ni tikumann, ni tikur, ni ŋitakpal, ni idɔ tun lituln pu na. U nyi waah ga ŋmaa di ŋitambɔn, ni ŋitanyaan, ni ŋitaman ŋa likekeln pu na. U ŋmaa naani tiwan mɔmɔk aabɔŋ tikur mɔmɔk aabɔŋ pu, ki ga ŋmaa dii unii aah mɔk u ke u naan tiwan pu na, ki naan ni kina. Cha u ni saawanŋab ni binib bi tun tii aate, Ubɔr David na, kpaan tun lituln.

2 Bibɔrb Aabɔr 2:6

Tɔ, ubaa mu aan sil ŋmaa maa lidichal tii Uwumbɔr, ba pu? paacham aah wiir sakpen pu na aa kpa mpaan ki tii u. Kina pu na, maah ban m maa Uwumbɔr Aadichal li na ga li ye nin chee ti ga li seer tulalee aayon tii Uwumbɔr na baanja la.

2 Bibɔrb Aabɔr 4:11

Huram nan ki ŋa ŋibuu, ni tiwan ni bi joo faal nfatan na, ni ŋisambil. U nan ŋa Uwumbɔr Aadichal ni aawan, ni mɔmɔk u nan puu tii Ubɔr Solomonn ke u ga ŋa na. Nima le ye: Jaatɔlk tiib bilee na. Tiwanaankaan nilee ni nan bi ke lisambil ki tok jaatɔlk tiib ngbaan pu na. Tikululn aanyɔla nyɔla tiib bi nan bi tiwanaankaan ngbaan pu na. Tikumann aasubinaankee ikui inaa ŋi bi jaatɔlk tiib aanyɔla nyɔla pu na. Tɔroku tiib kipiik na. Tisapar kipiik na. Nkin sakpiin na. Nkin ngbaan aah nan tɔk inaaja kipiik ni ilee i pu na. Ŋibuu, ni tiwan ni bi joo faal nfatan na, ni inanmoon. Huram u ye uwanŋakpaan na nan di tikumann ti joon kpal kpal na le naan tiwan ngbaan mɔmɔk, Ubɔr Solomonn aah nan tuk u pu na, ke bi li joo tun lituln Uwumbɔr Aameen Aadichal ponn ni.

Nnyam 28:3

Yin bikpaluub bi m tii bi nlan na, ki tuk bi ke bi ŋal tiwanpeenkaan tii Aaronn, nima kan, aa ga di u ŋa utotoor ki tii mi, ke u tun maatuln mɔmɔk.

Nnyam 35:30

Moses nan ki bui Israel yaab ke, “Uwumbɔr lee Uri aajapɔɔn u bi yin u ke Besalel, aan u ye Hur aayaabil na, ki nyan ni Juda aanibol ni na.

Nnyam 35:31

Uwumbɔr gbiin u mpɔɔn, le ki tii u nnyim, ni nlan, ni mbeem, ke u li nyi tiwanyaan aatuln mɔmɔk,

Nnyam 35:35

U cha bi ŋmaa kpii ŋitakpanyaan pu, bee tikunabr pu, ki ŋmee ki naani tiwan aabɔŋ ni pu, ki ŋmaa joo tikokonn luu ŋitanyaan, ni ŋikeken ŋiken aabɔŋ. Bi nyi ki ŋmaa ŋani tiwan aabɔŋ, ki ŋmaa joo ipiih aakur ti man chaun, ni nsiin, ni timann na gbaŋni nyɔla nyɔla mɔmɔk aabɔŋ.

Nnyam 36:1

“Besalel, ni Oholiab, ni biwanŋab biken bi Uwumbɔr nan di kina aalan ni nnyim tii bi, aan bi nyi tiwan ni mɔmɔk bi ga di ŋa Uwumbɔr Aabool ngbaan na, ga ŋa tiwan ngbaan mɔmɔk Uwumbɔr aah tuk bi pu na.”

Nnyam 36:8

Biwanŋab ponn ni, binib bi nyi lituln ngbaan sakpen na nan ŋa Uwumbɔr Aabool na. Bi nan di ipiih aakur ti man chaun, ni nsiin, ni timann, luu ŋitanyaan aakeken kipiik, le ki gbaŋ ŋi ki naan tiwan ni kpa ifeen na mann gonn ŋi pu, le ki ŋa ŋi.

Aisaya 28:26

U nyi waah ga ŋa waatuln pu na; ba pu? Uwumbɔr mɔk u a.