1 Bibɔrb 6:6 - Uwumbɔr aagbaŋ

⁶ Taab aadiik mɔk aawawaan nan ye ŋitaa ŋilole ni ligeln la, le sisik ni yoo ye ŋitaa ŋiwae, le paacham yoo ye ŋitaa kipiik ni ligeln. Baah nan maa Uwumbɔr Aadichal ngbaan aagon na, taab aagoln mɔk nan filk jer li tok li pu na. Bi nan ŋa kina ke paacham aadir na taa ki li kpa nibaa taab ke ni li tek ti.

1 Bibɔrb 6:6 ပူးပေါင်းရင်းမြစ်များ

1 Bibɔrb 6:5

Bi nan maa tidiwaatiir titaa tɔŋ tɔb pu tam Uwumbɔr Aadichal ngbaan aagon. Ti nan bi lipuwɔb, ni isikakl ilee mɔk pu. Kibaa mɔk aah paa paacham pu na nan ye ŋitaa ŋilole ni ligeln la.

1 Bibɔrb 6:7

Bi nan kpii ŋitakpal ŋi mɔmɔk bi joo maa na ŋitakpajoo ni la, kina pu na, ugagaar, bee kichɔk, bee tikur tibaa aafuuk aa nan ki bi Uwumbɔr Aadichal ngbaan aamaam chee.

2 Bibɔrb Aabɔr 3:1

Solomonn aate, Ubɔr David nan puen gor nin chee Uwumbɔr Aadichal ga sil na. Nima chee le ye Moria Aajool li pu Uwumbɔr nan di ubaa mɔk David aan li bi Jerusalem ni na. Nima chee le Jebus aanii Arauna nan ŋa waadipoipaal na.

Esekiel 41:6

Bi nan maa tidir ngbaan tɔŋ tɔb pu nfum mutataa la, le liker libaa mɔk kpa tidir piitaa. Uwumbɔr Aadichal ngbaan aapaal wɔb aagon aa nan gbei ke liker li bi taab na aagon na, bi nan ŋa kina ke tidir ngbaan ga kal ligoln ngbaan pu mbamɔm.