1 Bibɔrb 6:1 - Uwumbɔr aagbaŋ

¹ Israel aanib aah nan nyan Ijipt aatiŋ ni na, ŋibin ikui inaa ni imonko inaa le nan jer. Solomonn aah nan jin Israel aanaan na aabinanar aaŋmalee, u bi yin u ke Sif na ponn ni, le Solomonn nan piin Uwumbɔr Aadichal aamaam.

1 Bibɔrb 6:1 ပူးပေါင်းရင်းမြစ်များ

1 Bibɔrb 6:2

Li ponn ni aafɔfɔk nan ye ŋitaa imonko inaa ni kipiik, le nwawaan ye ŋitaa piitaa, le paacham aapapaan ye ŋitaa imonko ilee ni piiŋmu.

1 Bibɔrb 6:37

Libiln aaŋmalee, u bi yin u ke Sif na ni, le bi nan piin lidinyikl aamaam. Solomonn aanaan ni aabinanar ni, le nan bi na.

1 Bibɔrb Aabɔr 29:19

Tii njapɔɔn Solomonn nsuubaan aaneen aan u di kii saah siin tiwan ni mɔmɔk na, ki cha u maa Saadichal li m gor tiwan nee mɔmɔk siin na.”

1 Bibɔrb Aabɔr 6:10

ni Asaria, (uma le nan tun lituln ubɔr Solomonn aah nan maa Uwumbɔr Aadichal li Jerusalem ni na ponn ni,)

2 Bibɔrb Aabɔr 3:3

Ubɔr Solomonn aah nan maa Uwumbɔr Aadichal li na aafɔfɔk nan ye ŋitaa imonko inaa ni kipiik, le laawawaan mu ye ŋitaa piitaa.

Esra 5:11

“Bi nan gar timi ke, ‘Ti ye Uwumbɔr u naan paacham ni taab na aatutum la, le ki ki bi maa uma Uwumbɔr Aadichal li Israel yaab aabɔrkpaan ubaa nan puen maa n‑yaayoonn na.

Ilahn 78:69

Nima chee le u maa Waadichal ke udo ni bi paacham na; u nan cha li nyal sil ke kitiŋ kibaa aah si chob pu aan nibaa aa ŋmaa ŋa ki, ki ti saa n‑yoonn mu kaa kpa ndoon na la.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Esekiel 41:1

Uja ngbaan nan ki di mi koo kaasisik ni aadiik ni, kima le nan ye Chain Aapepel ni. U nan ŋaŋ nsan mu di ti koo ki ponn ni na: mu aah nan waa pu na nan ye ŋitaa kipiik,

Hagai 1:8

Tɔ, buen ŋigongon pu man aan ki ti gaa idɔ ki nan gir maa Maadichal; aan ki ki doon mi ke naah ga doon mi pu na, aan nsui piir.

Sekaria 6:15

“Bijab ga nyan ni dandar ki nan ter baah ki bi maa Uwumbɔr Aadichal li na. Bi yaa ki gir maa li doo kan, le aa ga bee ke Uwumbɔr Mpɔɔnsakpiindaan le tun ni mi aa chee. Aa yaa kii Aadindaan Uwumbɔr aah len pu na mɔmɔk kan, nimina mɔmɔk ga ŋa.”

Nkahm 1:1

Israel yaab aah nan nyan Ijipt aatiŋ ni, ni ti saa ŋibin ŋilee na, lelee aaŋmal ni, njan aawiin daal, le Uwumbɔr nan len Moses chee tibɔr, uma Uwumbɔr Aabool ni, Sainai Aateersakpiin ni. U nan bui Moses ke,

Lituln 13:19

le ki nin jenn nyan ŋinibol ŋilole Kanaann aatiŋ ni, ki di kitiŋ ngbaan yakr ke lifaal na tii bi. Buyoonn bi nan koo Ijipt aatiŋ ni na, ki ti saa bundaln bi nan gaa Kanaann aatiŋ na, nan ye ŋibin ikui inaa ni piiŋmu la.

Lituln 7:47

Ujapɔɔn Solomonn le nan maa lidichal tii Uwumbɔr.

1 Korenti 6:19

Naa nyi ke nimi aawon ye Uwumbɔr Aafuur Nyaan aadiik la aa? Uwumbɔr tii nimi Waafuur Nyaan, le mu bi ni ni.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Kolosiya 2:7

ki too chuu u ke busub aanyaan aah koo kitiŋ pu na, ki li bae waabɔr n‑yoonn mɔmɔk, ki gaa ti ki kii mbamɔm, taah nan tuk nimi pu na, ki li dooni u n‑yoonn mɔmɔk.

Hiibru Yaab 11:10

U nan ban kitiŋ ki ga li bi n‑yoonn mu kaa kpa ndoon aan Uwumbɔr maa ki na la.

Hiibru Yaab 9:11

Dandana wee Kristo fuu ni a, ki ye utotoorninkpel, ki joo ni nsanyaan mu bi nan len ke mu ga fuu ni na. Waa koo ni libool li binib ŋa li dulnyaa wee ni na. U dii lipepel li jer dulnyaa wee aabool ngbaan na,

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

Bibɔjirb 11:26

Ŋibin ikui itaa le na, le Israel yaab joo Hesbonn ni Aroer aatim, ni ntim mu mann goln mu na, ni ntim mu mɔmɔk bi Anonn Aamɔɔl aagbaan na. Ba ŋa saa ŋmaa gaa mu n‑yoonn ngbaan mɔmɔk ni?