1 Bibɔrb 5:9 - Uwumbɔr aagbaŋ

⁹ Maatutum ga joo ŋidɔgen, ki nya ni Lebanonn, ki di dan nnyusakpem chee, ki nan buu ŋi ŋipapan, ki di deen nnyun pu, aan ŋi nan saa saah gee nin chee na. Nima chee le maatutum ga buur ŋi, le saatutum gaa ŋi. Maah ga li ban ke aa ŋa pu na le ye ke aa yeh maatutum ngbaan aapuul.”

1 Bibɔrb 5:9 ပူးပေါင်းရင်းမြစ်များ

1 Bibɔrb 3:12

m ga ŋa saah mee pu na. M ga tii si nlan, ni ichiin, ki jer unii umɔk nan puen si ki kpa na, ubaa mu aan ki li bi ki li kpa kina aalan ni ichiin.

1 Bibɔrb 4:20

Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

1 Bibɔrb 5:10

Kina pu na, Hiram nan tii Solomonn santina aadɔgen, ni isui iken aadɔgen, waah ban pu na mɔmɔk,

1 Bibɔrb 5:8

Le Hiram di inaŋ imina tun Solomonn chee ke: “M kan saah di inaŋ i tii ni mi na, ki ga ŋa tiwan ni aa ban na. M ga tii ni si santina, ni idɔ iken na.

1 Bibɔrb 9:27

Ubɔr Hiram nan tun waajab bi nyi iŋɔi aabɔr mbamɔm na ke bi ti li tun Solomonn aajab chee lituln.

2 Bibɔrb Aabɔr 1:15

Waayoonn, tikunabr ni salmaa nan wiir Jerusalem aatiŋ ni ke ŋitakpal na la, le santina mu aadɔ wiir ke sufam bu si Juda aataataab aagongon ni na.

2 Bibɔrb Aabɔr 2:16

Lebanonn aajoo ponn ni le ti ga gaa saah ban santina aadɔ i na mɔmɔk, ki buu i tam tɔb lipapaln, le ki di deen ni nnyusakpem ni ki nan saa Jopa aatiŋ mɔk. Aa ga ŋmaa nyan i nima ki di buen Jerusalem.”

2 Bibɔrb Aabɔr 9:22

Ubɔr Solomonn nan kpa liwankpal ni nlan ki jer dulnyaa wee ni aabɔrb mɔmɔk pel pel.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Job Aagbaŋ 32:8

Tɔ, Uwumbɔr Mpɔɔnsakpiindaan Aafuur Nyaan le choo binib chee le ki tii bi nlan.

Ulandaan 1:16

Le m bui mbaa ke, “M kpaln unikpaan la. M kpa nlan jer ubɔr umɔk puen mi joo Jerusalem aatiŋ na. M nyi Uwumbɔr do aalan, ni nlanbaekoo aah ye pu na.”

Esekiel 27:17

Juda ni Israel yaab nan di njikaabim, ni tisiir, ni olif aakpan, ni tulalee tiib pan si saawankookaan pu.

Lituln 12:20

Herod nan gee liŋuul ki ŋa Taya aatiŋ aanib, ni Saidonn aatiŋ aanib pu. Le bi mɔmɔk kuun ki buen u chee. Bi nan puen buen uja ubaa chee la. Bi yin u ke Blastus, u ye Herod aatutum aaninkpel la. Le Taya aanib ni Saidonn aanib buen u chee bi ti jɔnn u kijɔtiik, le ki nin buen Ubɔr Herod chee, ki ti mee u ke u taa cha bi li kpa kijaak. Bi gaal baajikaar Ubɔr Herod aatiŋ ni la. Nima pu na, baa ban ke bi li kpa kijaak.

Ikaal 3:25

Uwumbɔr, cha m puur Jɔɔdann Aamɔɔl, aan ki kan kitiŋ ki nyuun na, ki bi nima wɔb, ki ye ŋigongon aatinyanyaan ngbaan na, ni Lebanonn Aajoo.’