1 Bibɔrb 5:7 - Uwumbɔr aagbaŋ

⁷ Hiram aah ŋun tibɔr ngbaan na, le usui nan piir ki ti nyaŋ, le u bui ke, “Pak Uwumbɔr din wee, waah tii David ubolandaan u ke u nab waanaan pu, litimbol kpaan lee ni na.”

1 Bibɔrb 5:7 ပူးပေါင်းရင်းမြစ်များ

Mpiin 33:5

Esɔ aah kan bipiib ni mbim na, le u baa ke, “Binib bee nyan ni la chee?” Le Jakob bui u ke, “Uwumbɔr aah ŋa tinyoor ŋa m pu ki tii mi bipiib ni mbim bi na le na.”

1 Bibɔrb 1:48

le ki mee limeel ke, ‘Cha ti pak Israel yaab Aadindaan Uwumbɔr, u cha maanib ponn ni ubaa gaa maanaan din wee, ki cha m bi ki nan kan kina na.’”

1 Bibɔrb 10:9

Li pak Aadindaan Uwumbɔr. U mɔk si waah gee si sakpen pu na le ki di si ŋa Israel yaab aabɔr. Waah gee Israel yaab n‑yoonn mɔmɔk pu na, le u di si ŋa ubɔr ke aa cha waakaal ni ibamɔn li bi.”

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

1 Bibɔrb 4:7

Solomonn nan nyan bijab kipiik ni bilee, le bi ye ŋipepel aayidam, Israel yaab aatiŋ ni. Bima le ga nan joo ni tijikaar nya ni baapepel ni, ki nan tii ubɔr, ni waadichal. Uja mɔk nan yeh uŋmal ubaa, libiln mɔk ni.

1 Bibɔrb 5:6

Kina pu na, tun saatutum Lebanonn aachook ni, aan bi ti gaa santina aadɔ tii mi. Bi ni maatutum le ga li tun, le m ga pa saah ga siin kidaak ki na. Aa nyi ke maatutum aa nyi idɔ aagaam ke saatutum aah nyi pu na.”

1 Bibɔrb 5:8

Le Hiram di inaŋ imina tun Solomonn chee ke: “M kan saah di inaŋ i tii ni mi na, ki ga ŋa tiwan ni aa ban na. M ga tii ni si santina, ni idɔ iken na.

Ilahn 137:6

M yaa kaa teer aabɔr, ki dak aa pu ke sin le ye maamɔɔn sakpiin kan, m taa ki ŋmaa gaa ilahn kpala.

Ŋiyataŋak 10:1

Solomonn aayataŋak sɔ: Ubolandaan aate nyu u pu baala la; le ujɔr ma aana aasui bii u pu.

Ŋiyataŋak 13:1

Ubolandaan aate yaa sur u kan, u pel nsurm ngbaan la, le unii u kpa kipupuk na ma aan keei waataani pu.

Ŋiyataŋak 15:20

Ubolandaan aate aasui piin u pu la. Ujɔr baanja le lik una fam.

Ŋiyataŋak 23:24

Mbimbinyaandaan aate nyi ni pu u kpa mpopiin na. Aajapɔɔn yaa kpa nlan kan, aa ga li kpa limakl u pu.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”