1 Bibɔrb 5:6 - Uwumbɔr aagbaŋ

⁶ Kina pu na, tun saatutum Lebanonn aachook ni, aan bi ti gaa santina aadɔ tii mi. Bi ni maatutum le ga li tun, le m ga pa saah ga siin kidaak ki na. Aa nyi ke maatutum aa nyi idɔ aagaam ke saatutum aah nyi pu na.”

1 Bibɔrb 5:6 ပူးပေါင်းရင်းမြစ်များ

Mpiin 10:15

Kanaann aabim le ye Saidonn u ye upol na, ni Hef. Biyaabitiib nan di bima aayimbil le yin baanibol.

1 Bibɔrb 10:26

Solomonn nan ki kpa itaan aatɔroku tiib lichur ni ikui inaa, ni butɔb aataan mu ŋichur kipiik ni ŋilee. Ibaa nan bi Jerusalem ponn ni, le iken mu bi bi ntim muken na ni.

1 Bibɔrb 5:7

Hiram aah ŋun tibɔr ngbaan na, le usui nan piir ki ti nyaŋ, le u bui ke, “Pak Uwumbɔr din wee, waah tii David ubolandaan u ke u nab waanaan pu, litimbol kpaan lee ni na.”

1 Bibɔrb 6:16

Ponn ni aadiik ki bi yin ki ke Chain Chain Aapepel ni na, nan bi Uwumbɔr Aadichal ngbaan aapuwɔb la. Kaafɔfɔk nan ye ŋitaa piitaa, le bi di santina aadɔ ki chol kiir ki, ki nyan kitiŋ ki ti tuu ilɔkdɔ.

1 Bibɔrb 6:20

Ponn ni aadiik kimina aafɔfɔk nan ye ŋitaa piitaa, le nwawaan mu ye ŋitaa piitaa, le ki paa paacham mu ŋitaa piitaa; le bi di salmaa boon ki ponn ni ti doo. Bi nan di santina aakpan le paan kitork aabimbiln pu.

1 Bibɔrb 9:19

ni ntim mu ponn ni waawanbankaan nan si si na, ni ntim mu waataan, ni yaatɔroku tiib nan bi na, ni waah nan ban ke u maa tiwan ni mɔmɔk Jerusalem aatiŋ ni, ni Lebanonn aatiŋ ni, ni waanaan ni, nimɔk u gee na.

1 Bibɔrb 9:27

Ubɔr Hiram nan tun waajab bi nyi iŋɔi aabɔr mbamɔm na ke bi ti li tun Solomonn aajab chee lituln.

1 Bibɔrb Aabɔr 22:4

U nan ban isan ke Taya ni Saidonn yaab li joo ni u santina aadɔja i li wiir.

2 Bibɔrb Aabɔr 1:14

U nan kpa itaan aatɔroku tiib lichur ni ikui inaa, ni kijaak aataan ŋichur kipiik ni ŋilee. Ibaa nan bi Jerusalem ponn ni, le ki cha iken mu bi ntim muken ponn ni.

2 Bibɔrb Aabɔr 2:10

M ga tii ni njikaabim bɔtɔ ŋichur imonko iniin, ni ŋisubil aadaan kpalba ŋichur ikui inaa, ni olif aakpan mu kpalba ŋichur ikui inaa.”

2 Bibɔrb Aabɔr 2:8

M nyi ke saakpikpiib nyi lituln pam, kina pu na, tii ni mi santina, ni lisalaasiil, ni santina uken na aadɔ i bi Lebanonn ni na.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.

Ilahn 29:5

Uwumbɔr aaneel kool ŋikpan aasui la, hali ŋikpan aasui i bi Lebanonn aatiŋ ni na mu kool la.

Sekaria 11:12

Le m bui bi ke, “Ni yaa gee kan, pa mi maapar man. Tɔ, ni yaa kaa gee kan, ni li joo li.” Le bi tii mi tikur aamombil piitaa.

Rom Yaab 12:17

Unii yaa ŋa si bakaa kan, taa teen u. Ni li ŋani ni ŋan na binib mɔmɔk aanimbil ni.

Efesusi 4:7

Kristo yakr ipiin tii ti mɔmɔk waah ban pu na la.

Ikaal 17:16

Ubɔr ngbaan taa li kpa itaan sakpen ki di tii waajab, u mu taa cha bi buen Ijipt aatiŋ ni, ke u ti daa itaan; ba pu? Uwumbɔr bui ke waanib ponn ni ubaa taa ki gir buen kitiŋ ngbaan ni.

Filipi 4:8

Nnaabitiib, kookoo yaan le ye ke ni li dak ilandak i ye mbamɔn na, ni i kpa laasaab na, ni i tok na, ni i ye chain na, ni i ŋan na, ni i kpa lisil na. Ni cha ilandak imɔk ŋan ki ŋeer mpakm na li joo nimi.