1 Bibɔrb 4:30 - Uwumbɔr aagbaŋ

³⁰ Solomonn nan kpa nlan jer liwipuul wɔb aalandam, ni Ijipt aalandam.

1 Bibɔrb 4:30 ပူးပေါင်းရင်းမြစ်များ

Mpiin 25:6

Waah nan laa beenin fu na, u nan ki di ngem mu tii upuutiib biken aah nan ma mbim mu tii u na mu. U nan yakr ujapɔtiib ngbaan di buen liwipuul wɔb aatiŋ kibaa ni, ki cha ujapɔɔn Aisak.

Mpiin 29:1

Jakob nan fii Betel aatiŋ ni, le ki nab waasachuln pu ki cha liwipuul wɔb.

1 Bibɔrb 10:23

Ubɔr Solomonn nan kpa liwankpal ni nlan ki jer dulnyaa wee ni aabɔrb mɔmɔk pel pel,

Job Aagbaŋ 1:3

le ki kpa ipiih ŋichur ŋilole, ni laakumii tiib ŋichur ŋitaa, ni inaa lichur libaa, ni ibon mu ikui iŋmu. U nan ki kpa binaagbiib mu pam, le ki nan ye unii u kpa liwangol, ki jer binib bi mɔmɔk nan bi liwipuul wɔb na.

Ulandaan 1:16

Le m bui mbaa ke, “M kpaln unikpaan la. M kpa nlan jer ubɔr umɔk puen mi joo Jerusalem aatiŋ na. M nyi Uwumbɔr do aalan, ni nlanbaekoo aah ye pu na.”

Esekiel 25:4

Nisui aah nan piin pu na pu, le m ga cha ŋinibol ŋi bi liwipuul wɔb aateersakpiin ni na nyaŋ nimi. Bi ga ŋa baakakaa yaan nimi aatiŋ ni ki kal nima. Bi ga ji ŋisubil, ki nyu nnaabiin mu ba ye nimi yaan na.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 4:7

Le bibɔɔb, ni binib bimɔk joo inyɔk tun iwaan aatuln na mɔmɔk nan dan, le m nan tuk bi tidaŋ ngbaan, le baa nan ŋmaa kpiir taatataa mɔk mi.

Matiu 2:1

Bi nan ma Yesu, Betlehem aatiŋ ponn ni la, ki bi Judea aatiŋ ni na, n‑yoonn mu Herod ye ubɔr na. Baah ma Yesu na, le bilankpalb bibaa nyan ni liwipuul wɔb ki dan Jerusalem,

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Lituln 7:22

Le bi mɔk u Ijipt yaab aalan aabɔŋ aabɔŋ. Le u kpaln unii u nyi tibɔr na, ki tun lituln li kpa liyimbil na.

Bibɔjirb 6:33

Tɔ, Midiann yaab, ni Amalek yaab, ni ŋinibol ŋi bi nteersakpiin ni na nan kuun, ki puur Jɔɔdann Aamɔɔl, le ki ti kuun kal Jesreel Aafataŋ ni.