1 Bibɔrb 4:20 - Uwumbɔr aagbaŋ

²⁰ Juda ni Israel aanib nan wiir ke litambol li dɔ nnyusakpem aagbaan na la. Bi nan ji ki nyu, le ki kpa mpopiin.

1 Bibɔrb 4:20 ပူးပေါင်းရင်းမြစ်များ

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

1 Bibɔrb 3:8

Min le ka do, binib bi aa lee ke bi li ye saanib, aan bi wiir, ubaa aan ŋmaa kahn bi na, aakaasisik ni na.

1 Bibɔrb 4:29

Uwumbɔr nan tii Solomonn nlan, ni inimbiwoln i ubaa aa nyi na, ni ichiin i unii aan ŋmaa ŋaŋ na.

1 Bibɔrb 5:9

Maatutum ga joo ŋidɔgen, ki nya ni Lebanonn, ki di dan nnyusakpem chee, ki nan buu ŋi ŋipapan, ki di deen nnyun pu, aan ŋi nan saa saah gee nin chee na. Nima chee le maatutum ga buur ŋi, le saatutum gaa ŋi. Maah ga li ban ke aa ŋa pu na le ye ke aa yeh maatutum ngbaan aapuul.”

2 Bibɔrb 18:31

Taa pel Hesekia aah len pu na man. Asiria aatiŋ aabɔrkpaan bui ke ni nyan ni kitiŋ ngbaan ni, aan ki kii ke u nyaŋ nimi. U ga cha ni mɔmɔk moo ŋisubil nimi aasar ni, ki ŋmɔ nimi aakakan, ki nyu nimi aanyunbun ni aanyun,

1 Bibɔrb Aabɔr 12:39

Bi nan ti bi David chee nima ki ti saa iwiin itaa, ki jin tijikaar ni ŋisubil aadaan mu bido yaab nan ŋa tii bi na aajim.

1 Bibɔrb Aabɔr 22:9

Tɔ, u nan tee puu tipuur tii mi. U nan bui mi ke, ‘Aa ga maa ubijabo u ga joo waanib nsuudoon ni na, ba pu? maan cha waadim muk u. Aa ga yin u ke Solomonn, ba pu? waanaan yoonn le m ga tii Israel yaab nsuudoon ni ŋŋmarm.

Job Aagbaŋ 1:18

Waahr aan u mu ti len doo na, le ututunn uken mu ki fuu ni ki nan bui u ke, “Saabim bi aajapɔpol do bi ji njim,

Ŋiyataŋak 14:28

Ubɔr aapak ni waapɔɔn nyan ni waanib aah wiir pu na chee la; ubɔr yaa kaa kpa binib kan, waa ye nibaa.

Ulandaan 2:24

Tiwan ni ŋan ke unibɔn ŋa na le ye ke u ji, ki nyu, ki li mɔɔni waah tun ki kan pu na pu. Le m ki kan ke nimina mu nyan ni Uwumbɔr chee la.

Aisaya 22:13

Le ni tee laa ki waa kinaachoŋ; ni kɔr ipiih ni inaa ke ni ŋmɔ, ki nyun ndaan; ni bui ke, “Ni ŋan ke ti ji ki nyu mu; ba pu? ti ga fe kpo fen.”

Maika 4:4

Unii mɔmɔk ga li bi nsuudoon ni ubaa aadaan aasubil, ni ŋisubil ŋiken aasui aasar ni, le ubaa aan faan u nima. Uwumbɔr Mpɔɔnsakpiindaan le puu kina.

Sekaria 3:10

Nwiin ngbaan yaa nan fuu ni kan, ni mɔmɔk ga yin niŋeen aatɔtiib ke bi dan ki nan ji nsuudoon ni ŋŋmarm aamɔɔn, le ndaan aasubil aasar ni ŋisubil ŋiken ga mann goln nimi.” Uwumbɔr Mpɔɔnsakpiindaan le len kina.

Sekaria 9:15

Uwumbɔr Mpɔɔnsakpiindaan ga li kii waanib, le bi ga kuln baadim. Bi ga li tar butɔb ni ke bidagbiib na la, le ki cha baadim aasin nya; mu ga li puu ke kitork aasin mu bi teŋ lisambil ni ki di kpir kitork aabimbiln paab na la.

Lituln 2:46

Idaa mɔmɔk bi nan kuuni Uwumbɔr Aadichal ni, ki kpaani bido ki ji tijikaar, ki pak Uwumbɔr, ki kpa mpopiin, ni tibulchinn. Le binib mɔmɔk pak bi. Tidindaan nan joo binib bi ŋmar na kpae waanib pu idaa mɔmɔk la.

1 Samuel 30:16

le ki di David buen bi chee. Binib bi nan binn Siklag na nan yaa ki ka ka ni kookoo, ki ji, ki nyu ndaan, baah nan yoor liwangol sakpeln li Filistia ni Juda aatim ni na pu.