1 Bibɔrb 4:13 - Uwumbɔr aagbaŋ

¹³ Ben‑Geber le nan yeh Ramof aatiŋ ki bi Gilead ni na, ni ntimbim mu bi Gilead ni, ki ye Jair, u aayaaja ye Manase na aataŋaal pu aatim na, ni Agob aatiŋ ki bi Basann ni na aapepel, ki ti kpaan ntikpaam imonko itaa mu bi maa ŋigon gob mu, ki kpa tikumann aadɔ mu aabisamɔi aajaaleŋ ni na.

1 Bibɔrb 4:13 ပူးပေါင်းရင်းမြစ်များ

1 Bibɔrb 22:3

Ahab nan baa waaninkpiib ke, “Ba ŋa taa pɔɔn tibaa ke ti gaa Ramof aatiŋ ki bi Gilead aatiŋ pu na Siria aabɔr chee? Ki ye timi aatiŋ la.”

2 Bibɔrb 9:1

N‑yoonn mue na, Uwumbɔr aabɔnabr Elaisa nan yin bibɔnabpɔm ngbaan ponn ni ubaa ki nan bui u ke, “Gor aabaa ki buen Ramof aatiŋ ki bi Gilead aatiŋ pu na ni. Li joo olif aakpasambil limina.

2 Bibɔrb 9:14

Le Jehu nan kpokl Ubɔr Joram pu. Joram nan bi Jesreel aatiŋ ni ke u ti teb ubaa, waah nan kan titotonn ti Ramof aatɔb bu ponn ni, u ni Siria aatiŋ aabɔr Hasael nan ti di biyil kpaa tɔb na ni. Kina pu na, Jehu nan bui uŋeen aatɔtiib bininkpiib ngbaan ke, “Ni yaa si nchaŋ ni kan, ni li nyi ubaa taa nya Ramof ki loon buen Jesreel ki ti nyaa binib ngbaan,”

1 Bibɔrb Aabɔr 2:23

Le Gesur ni Aram aanaan nan nyaŋ ntim imonko itaa nima, le Jair ni Kenaf aatim ni ntim mu bi duun nima na nan ŋmal mu ni. Binib bi mɔmɔk nan koo nima chee na nan ye Gilead aate Makir aayaabitiib la.

Ilahn 22:12

Bidim pam le mann goln mi ke inaaja na; bi mann gob mi la, ki naahn Basann aatiŋ aanaaja i bir na.

Ilahn 68:15

Basann aajool ye lijool sakpeln la, lijool li kpa ŋijoomɔju sakpen na.

Nkahm 32:41

Le Manase aanibol ni aaja u bi nan yin u ke Jair na, buen ti tak itingbaan ibaa ki nyaŋ bi, le ki yin mu ke, “Jair Aatingbaan.”

Ikaal 3:10

Ti nan gaa Basann aatiŋ aabɔr Og aapepel mɔmɔk doo; ntim mu nan bi ŋigongon ŋi bi taar na pu, ki kpee Gilead ni Basann aapepel, li di ti nyan Saleka ni Edrei aatim mu bi liwipuul wɔb na.”

Ikaal 3:4

N‑yoonn ngbaan, ti nan ki nyaŋ waatim mɔmɔk. Taa nan cha kitiŋ kibaa kina gur. Ntim mu ti nan nyaŋ, Agob aapepel li Basann aabɔr Og nan joo na, nan ti saa ntim imonko itaa la.

Ikaal 3:8

“N‑yoonn ngbaan, ti nan gaa Amor yaab aabɔrb bilee ngbaan aatiŋ ki bi Jɔɔdann Aamɔɔl aawipuul wɔb, ki yoor Anonn Aamɔɔl chee ki ti ker Hemonn Aajool mɔk na.

Ikaal 4:43

Moses nan nyan Beser aatiŋ ki bi nteersakpiin aajool li bi taar na pu le siin Rubenn aamaal yaab; le ki nyan Ramof aatiŋ ki bi Gilead aapepel ni na siin Gad aamaal yaab; ki nyan Golann aatiŋ ki bi Basann aapepel ni na siin Manase aamaal yaab.

Josua 20:8

le Jɔɔdann Aamɔɔl aawipuul wɔb, nteersakpiin mu bi lijool li aapaacham bi taar na, Jeriko aawipuul wɔb na, bi nan nyan Beser aatiŋ ki bi Rubenn aanibol aatiŋ ni na, le ki ki nyan Ramof aatiŋ ki bi Gilead ni, ki bi Gad aanibol aapepel ni na, le ki ki nyan Golann aatiŋ ki bi Basann ni, ki bi Manase aanibol aapepel ni na.

Josua 21:38

Gad aanibol aapepel wɔb, bi nan nyan ntim munaa le tii bi, muma le nan ye Ramof aatiŋ ki nan bi Gilead ni na, ni kaamopɔɔk, ki nan ye mbɔbɔryaan aatiŋ kibaa la, ni Mahanaim,