1 Bibɔrb 3:7 - Uwumbɔr aagbaŋ

⁷ Ndindaan Uwumbɔr, aa cha m kal nte aajal pu ki ye ubɔr, kaa dii ke m ye ubo kaa nyi kitiŋ aajoom.

1 Bibɔrb 3:7 ပူးပေါင်းရင်းမြစ်များ

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb Aabɔr 22:5

David nan dakl ke, “Ni ŋan ke Uwumbɔr Aadichal li njapɔɔn Solomonn ga nan maa na li ŋan ki kpa liyimbil dulnyaa wee ni. Tɔ, u mu laa par, kaa kee kpa lituln aanimbiwoln, kina pu na, ni ŋan ke m gor isan siin u.” Kina pu na, David nan ban tiwan pam bil le ki nin kpo.

1 Bibɔrb Aabɔr 22:9

Tɔ, u nan tee puu tipuur tii mi. U nan bui mi ke, ‘Aa ga maa ubijabo u ga joo waanib nsuudoon ni na, ba pu? maan cha waadim muk u. Aa ga yin u ke Solomonn, ba pu? waanaan yoonn le m ga tii Israel yaab nsuudoon ni ŋŋmarm.

1 Bibɔrb Aabɔr 29:1

Ubɔr David nan bui binib bi mɔmɔk kuun na ke, “Njapɔɔn Solomonn le Uwumbɔr lee, tɔ, u mu laa par kaa kee kpa lituln aanimbiwoln. Lituln ngbaan ye litukpaan la, ba pu? naa ye libɔrdichal li unibɔn ban u li koo li ponn ni na, li ye Tidindaan Uwumbɔr Aadichal la.

Ilahn 121:8

U ga li kii si, saah choo pu na, ni saah ga li cha pu na, dandana ni n‑yoonn mu kaa kpa ndoon na.

Ŋiyataŋak 18:12

Unii yaa kaa sunn ubaa taab kan, waan ŋmaa kan kipak; binib bi yoor bibaa paacham sakpen na bi nkun aasan ni la.

Ulandaan 10:16

Kitiŋ ki aabɔr ye unachipɔɔn, aan kaasalolm mu ji njim ki ti woln kitaak na bi tibɔr ni la.

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

Jeremia 1:7

Le Uwumbɔr bui mi ke, “Taa bui ke aa par sakpen. Li cha maah tun si binib bi chee na, ki ti bui bi maah bui si ke aa len pu na mɔmɔk.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Daniel 5:21

Bi nan jenn nyan u binib chee, le waalandak gur bi ke tiwakor aalandak na. U ni ibon i bi timoor ni na, le nan gur koo tɔb chee, ki ŋmɔ timoor ke unaa na, ki doo timoor ni, nibaa aa bii u pu limaln taa pii u. Gbelngbeln na, le u di naadii tii Uwumbɔr u kaa kpa ŋeen aatɔ na, ke uma le joo unibɔn aanaan mɔmɔk, ki ga ŋmaa di mu tii unii umɔk u gee u na.

Nkahm 27:17

ki ga ŋmaa joo bi, bi to butɔb na, nima kan, saanib aan li bi ke ipiih i chuun kaa kpa upihkpaal na.”

Jɔnn 10:9

Min le ye Uwumbɔr aanaan ni aabisamɔb. Unii yaa dii mi ki koo ni kan, u ga ŋmar, ki ga koo ki nya ki gir koo, ki ga kan timosoon la.

Ikaal 31:2

ki bui ke, “Dandana wee, maabin ye nkub ni moninko la, le maan ki ŋmaa li ye nimi aayidaan. Ni ki kpee na, Uwumbɔr tuk mi ke maan puur Jɔɔdann Aamɔɔl.

1 Samuel 18:16

David aah nan moo kpae pu na, Israel ni Juda aanib mɔmɔk nan gee u la.