1 Bibɔrb 3:6 - Uwumbɔr aagbaŋ

⁶ Le Solomonn gar u ke, “Aa nan gee saatutunn, nte David, n‑yoonn mɔmɔk la, le u nan ye uninyaan, ki kii saamɔb, ki bi chob aa ni uma aakaasisik ni. Le aa beenin mɔk u saageehm sakpem mu bi n‑yoonn mɔmɔk na, ki tii u japɔɔn u gaa waanaan din wee na.

1 Bibɔrb 3:6 ပူးပေါင်းရင်းမြစ်များ

Mpiin 24:40

Le u bui mi ke Uwumbɔr, u uma Abraham kii waamɔb na le ga cha waatuun dii mi buen ki ter mi, ke m ga kan upii u nyan ni waamaal ni na, ki nan tii ujapɔɔn.

2 Samuel 22:21

Maah tun ni ŋan na pu na, le Uwumbɔr pan mi kina aapal; maah kaa tun taani ubaa pu na, le u ŋani waanyoor ŋani m pu.

2 Samuel 22:25

Kina pu le u pa mi maatunyaan pu; ba pu? u nyi ke maa tun taani ubaa.

2 Samuel 7:5

“Buen ti tuk maatutunn David ke m bui u ke, ‘Naa ye sin le ga maa lidichal tii mi.

1 Bibɔrb 1:48

le ki mee limeel ke, ‘Cha ti pak Israel yaab Aadindaan Uwumbɔr, u cha maanib ponn ni ubaa gaa maanaan din wee, ki cha m bi ki nan kan kina na.’”

1 Bibɔrb 15:5

David aah nan tun ŋitun ŋi piin Uwumbɔr aasui, kaa yii waah tuk u pu na pu, le u nan ŋa kina. David aataani ubaa u, u nan tun na le ye Hef aanii Uria aabɔr na baanja.

1 Bibɔrb 2:4

Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

1 Bibɔrb 3:14

Le aa yaa kii maamɔb, ki joo maakaal, ni mmɔkm, ke aate David aah nan joo pu na kan, m ga tii si limɔfal li fɔk na.”

1 Bibɔrb 9:4

Aa yaa di ibamɔn, ni mbimbinyaan dii mi, ke aate David na, ki joo maakaal, ki ŋani maah bui si pu na mɔmɔk kan,

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

2 Bibɔrb Aabɔr 1:8

Le Solomonn gar u ke, “Aa nan gee nte David n‑yoonn mɔmɔk la, le ki cha m jin waanaan.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 119:17

Li kpa tiŋann min saatutunn pu, aan m li bi ki kii saah mɔk mi pu na.

Ilahn 13:6

Uwumbɔr, m ga gaa ilahn tii si, ba pu? aa kpa tiŋann m pu la.

Ilahn 15:2

Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

Nkahm 12:7

Maah len maatutunn Moses chee tibɔr pu na, ni bi nibaa; min le nyan u ke u li lik maanib Israel yaab mɔmɔk.

2 Korenti 9:11

Ni yaa moo ter binib kan, Uwumbɔr le ga moo tii nimi. Naah ga tii timi ipiin ke ti tii biken na, nima le binib pam ga doon Uwumbɔr ipiin ngbaan pu.

2 Korenti 9:5

Nima le m dak ke ni ŋan m gaŋ tinaabitiib bimina ke bi loln m pu nsan ki buen ni chee, ki ter nimi ni too ŋimombil ngbaan, naah nan puu tipuur ti na. M yaa fuu ni kan, m ga nan mui ni too ŋi ki doo. Nima le ga mɔk ke ni too ŋi, nimi aageehn pu, naa ye ke bi nan muk nimi le ni too ŋi.