1 Bibɔrb 3:12 - Uwumbɔr aagbaŋ

¹² m ga ŋa saah mee pu na. M ga tii si nlan, ni ichiin, ki jer unii umɔk nan puen si ki kpa na, ubaa mu aan ki li bi ki li kpa kina aalan ni ichiin.

1 Bibɔrb 3:12 ပူးပေါင်းရင်းမြစ်များ

1 Bibɔrb 2:6

Aa nyi saah ga ŋa pu na; aa taa cha u kpo Uwumbɔr aakun.

1 Bibɔrb 2:9

Aa mu taa tee di cha u fam. Aa nyi saah ga ŋa pu na, aa cha u kpo.”

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

1 Bibɔrb 5:12

Uwumbɔr nan joo waah puu tipuur ti na, le ki tii Solomonn nlan. Nsuudoon nan bi Solomonn ni Hiram aasisik ni, le bi ŋa kimɔbaan.

1 Bibɔrb 5:9

Maatutum ga joo ŋidɔgen, ki nya ni Lebanonn, ki di dan nnyusakpem chee, ki nan buu ŋi ŋipapan, ki di deen nnyun pu, aan ŋi nan saa saah gee nin chee na. Nima chee le maatutum ga buur ŋi, le saatutum gaa ŋi. Maah ga li ban ke aa ŋa pu na le ye ke aa yeh maatutum ngbaan aapuul.”

1 Bibɔrb Aabɔr 29:25

Uwumbɔr nan cha litimbol ngbaan mɔmɔk san Solomonn le ki cha u kan liyimbil ki jer ubɔr umɔk puen u ki joo Israel aatimbol na.

2 Bibɔrb Aabɔr 2:12

Li pak Israel yaab Aadindaan Uwumbɔr man, u naan paacham ni taab na. U tii Ubɔr David ubolandaan u kpa ŋuntii, ki nyi tiwan sakpen, ki ŋa nlandak ke u maa lidichal tii Uwumbɔr, ki maa ubaa aabɔrdichal mu na.

Nehemia 13:26

M nan bui bi ke, “Biwɔwɔmpiib pu le Ubɔrkpaan Solomonn nan tun titunwanbir. U nan ye uja u pɔɔ jer ŋitimbol ŋiken aabɔrb na la, le Uwumbɔr nan gee u ki di u ŋa ubɔr Israel mɔmɔk pu, le u nan ti ki koo kinimbɔŋ kee ponn ni.

Ilahn 10:17

Uwumbɔr, aa ga ŋun binib bi sunn bibaa taab na aameel, aa ga pɔɔk bitaakpab.

Ŋiyataŋak 2:6

Uwumbɔr le tii nlan; uma chee le nlan, ni ichiin, ni tiwan aatataa aabeem nyani.

Ulandaan 1:13

M nan puu ke see m tɔŋ ki bae lik tiwan ni mɔmɔk ŋani dulnyaa wee ni na. Uwumbɔr di mbimbin mu kaa kpa tataa na le di tii timi.

Ulandaan 1:16

Le m bui mbaa ke, “M kpaln unikpaan la. M kpa nlan jer ubɔr umɔk puen mi joo Jerusalem aatiŋ na. M nyi Uwumbɔr do aalan, ni nlanbaekoo aah ye pu na.”

Aisaya 65:24

Waahr aan bi nin mee mi doo na, m ga kii baameel.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Matiu 12:42

Seba aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke nimi aabɔr bii.”

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Ikaal 34:9

Le Nunn aajapɔɔn u bi nan yin u ke Josua na nan kpa nlan mu nyani Uwumbɔr chee na, ba pu? Moses nan nyan uma le ke u gaa waasisiiyaan. Israel aanib nan kii Josua aamɔb, ki mu joo ikaal imɔk Uwumbɔr nan di mɔk Moses aan u mu di i tii bi na.

Kolosiya 2:3

Uma baanja le ga ŋmaa tii timi nlan mu ye nlan bamɔnn na. Uma baanja le ga ŋmaa mɔk timi nnyim mɔmɔk.