1 Bibɔrb 22:4 - Uwumbɔr aagbaŋ

⁴ Le Ahab baa Jehosafat ke, “Aa ga cheen mi aan ti ti tak Ramof aatiŋ aa?” Le Jehosafat gar u ke, “Buyoonn aa gor na, m mu ni maatɔb aajab ni bitandam mu gor.

1 Bibɔrb 22:4 ပူးပေါင်းရင်းမြစ်များ

1 Bibɔrb 22:29

Le Israel yaab aabɔr Ahab ni Juda yaab aabɔr Jehosafat buen bi ti tak Ramof aatiŋ ki bi Gilead ni na.

1 Bibɔrb 22:5

Tɔ, tee cha ti baa Uwumbɔr waahr.”

1 Bibɔrb 4:13

Ben‑Geber le nan yeh Ramof aatiŋ ki bi Gilead ni na, ni ntimbim mu bi Gilead ni, ki ye Jair, u aayaaja ye Manase na aataŋaal pu aatim na, ni Agob aatiŋ ki bi Basann ni na aapepel, ki ti kpaan ntikpaam imonko itaa mu bi maa ŋigon gob mu, ki kpa tikumann aadɔ mu aabisamɔi aajaaleŋ ni na.

2 Bibɔrb 3:7

U nan tun Juda yaab aabɔr Jehosafat chee ke: “Moab aatiŋ aabɔr yii maamɔb; saan ter mi aan ti faa u butɔb aa?” Le Ubɔr Jehosafat gar u ke, “M ga ter si. M ye aa yoo la, ki kpee maajab ni maataan mu.

2 Bibɔrb Aabɔr 18:3

U nan baa u ke, “Aa ga cheen mi aan ti tak Ramof aatiŋ aa?” Jehosafat nan gar u ke, “Buyoonn aa gor na, m mu ni maajab gor le na. Ti ga kpee aa pu,”

2 Bibɔrb Aabɔr 19:2

Hanani aajapɔɔn Jehu, u nan ye Uwumbɔr aabɔnabr na, nan buen ti tooh u nsan ni, ki baa u nsurm ni ke, “Aa dak ke ni ŋan ke aa ter bibiindam, ki kpee binib bi nan Uwumbɔr na pu uu? Saah tun pu na cha Uwumbɔr aaŋuul fii aa pu.

Ŋiyataŋak 13:20

Li dii bilandam aan ki kan nlan. Aa yaa jɔnn bigbaam kan, aa junn saamɔfal la.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

Efesusi 5:11

Ni taa kpaan binib bi bi mbɔmbɔɔn ni ki tun yɔl yɔl na chee man. Ni tee li sur bi man.

2 Jɔnn 1:11

Unii u doon u na kpaln ubakaatɔ le na.

Tibɔkpiirkaan 2:26

Binib bimɔk nyaŋ ki tun maatuln n‑yoonn mɔmɔk na, m ga tii bi tininkpir bi li joo ŋinibol na, ke maah gaa Nte Uwumbɔr chee tininkpir pu na.