1 Bibɔrb 21:4 - Uwumbɔr aagbaŋ

⁴ Ahab nan di nsuubiin le gir kun, le waaŋuul fii Nabof aah tuk u pu na pu. U nan ti doon waawandookaan pu, le ki di unimbil kpaa lidigbimal, kaan ji tijiir.

1 Bibɔrb 21:4 ပူးပေါင်းရင်းမြစ်များ

2 Samuel 13:2

Waah nan gee u sakpen pu aan nsan aa nan bi ke u doon u chee na, le ni ŋa u tibunbunn; ba pu? waah kaa nan kee nyi uja na, waa nan kpa nsan ke u ni uja sil tɔb chee.

2 Samuel 13:4

Le Jonadab nan bui Amnonn ke, “Aate le ye ubɔr, le iwiin mɔmɔk kan, aa bi ke naah kaa mɔ si le na. Ba muk si?” Le Amnonn bui u ke, “Nsui koo nte aabo Absalom aaninkpan Tamar ni sakpen.”

1 Bibɔrb 20:43

Ubɔr nan di ilandak ni nsuubiin le gir kun Samaria aatiŋ ni.

1 Bibɔrb 21:1

Uja u bi yin u ke Nabof na nan kpa ŋisubil aasui aasaak kibaa aan ki bi gbɔk Ubɔr Ahab aabɔrdichal, Jesreel aatiŋ ni.

1 Bibɔrb 21:3

Le Nabof bui u ke, “N‑yaajatiib aafaal le m jin ŋisubil aasui aasaak kimina; Uwumbɔr aayimbil pu, maan ŋmaa di ki tii si.”

1 Bibɔrb 21:5

Upuu Jesebel nan buen u chee le ki ti baa u ke, “Ba ŋa aasui bii kina? Ba ŋa saan ji tijikaar?”

Esta 5:13

Tɔ, Juu aanii Modekai yaa beenin ka libɔrchiln aabisamɔb kan, nimina mɔmɔk aa kpa mi tinyoor tibaa.”

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ulandaan 6:9

Ni ye fam la; ni bi ke unii aah san dii libuln pu ke u chuu li na la. Cha aanimbil gbiin saah kpa ni na, ki taa muk aabaa n‑yoonn mɔmɔk ke aa ki kan kpee.

Jona 4:1

Jona aasui nan bii kina ngbaan pu, le liŋuul chuu u sakpen.

Jona 4:4

Le Uwumbɔr nan gar u ke, “Saah gee liŋuul pu na, ni ŋan aa?”

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Jona 4:9

Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Efesusi 4:27

ki taa tii kinimbɔŋ nsan.

Jemisi 1:14

Unii aakpeek yaa cha u ban ke u nya Uwumbɔr aasan ponn ni ki tun usui aah gee pu na kan, nima le cha u kani ntɔŋ.

1 Samuel 28:23

Le Sɔɔl nan yii ki bui ke waan ji nibaa. Le waaninkpiib mu gaŋ u, le u ti nin kii, le ki fii kitiŋ ki kal lijal pu.