1 Bibɔrb 21:2 - Uwumbɔr aagbaŋ

² Daalbaadaal le Ahab nan bui Nabof ke, “Saasubil aasui aasaak aah bi gbɔk maabɔrdichal na, di ki tii mi. M ban m di kitiŋ ngbaan ŋa tikpifar aasaak la. M ga tii si ŋisubil aasui aasaak ki ŋan jer kina na; aa yaa ti ki gee kan, m ga pa si kidaak ki ŋan na.”

1 Bibɔrb 21:2 ပူးပေါင်းရင်းမြစ်များ

Mpiin 16:6

Le Abram nan bui ke, “Mbamɔn, u ye saanaagbiipiibo la. Sin le joo u. Aa ga ŋmaa ŋa u saah ban pu na.” Le Sarai nan piin ki ŋani Hagar mbiin, le u ti san u chee.

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

1 Bibɔrb 21:3

Le Nabof bui u ke, “N‑yaajatiib aafaal le m jin ŋisubil aasui aasaak kimina; Uwumbɔr aayimbil pu, maan ŋmaa di ki tii si.”

1 Bibɔrb 21:6

Le u gar u ke, “Ni ye Nabof aah tuk mi tibɔr ti na pu. M bui u ke u cha m daa waasubil aasui aasaak, u yaa ti ki gee kan, m ki tii u kitiŋ kiken kima ngbaan pu, le u yii ke waan tii mi.”

2 Bibɔrb 9:27

Ubɔr Ahasia nan kan tiwan ni ŋa na, le ki di waatɔroku kar kpaa ki san cha Bef Hagann aatiŋ ni, le Jehu ka u pu. Jehu nan bui waajab ke, “Ku u mu man,” le waah nan bi waatɔroku ni ki ti saa Gur aatiŋ ki ŋɔk Ibleam aatiŋ na, le bi tii u titotonn. Tɔ, u nan tee pɔɔn ubaa ki ti fuu Megido aatiŋ ni, le ki kpo nima.

Nnyam 20:17

“Aa taa cha aanimbil li man aaŋeen aatɔ aadichal, bee upuu, bee waanaagbiib, bee waanaa, bee waabon, bee waah kpa tiwan nimɔk na pu.”

Ulandaan 2:5

M nan naan tisar ni ŋisubil aasui aasar ti kpa ŋisubil mɔmɔk aabɔŋ na.

Solomonn Aalahn 4:15

Uyayak aanyunbun le tii kisaak ngbaan nnyun, le nnyun puu nyan ni Lebanonn Aajoo mu ni ki choo ki ponn ni.

Jeremia 22:17

Le aa ma le ban saakumɔŋ aanyoor baanja; aa ku binib bi kaa kpa taani ubaa na, le ki joo mbimbinpɔɔl muk saanib. Uwumbɔr le len kina.

Tibɔnyaan ti Luk ŋmee ti na 12:15

le ki tuk kinipaak ngbaan, “Ni li nyi man ki taa li kpa iniman. Unii yaa kpa liwangol li wiir na kan, nima le aan tii u limɔfal.”

Ikaal 11:10

Kitiŋ ki ni ban ni gaa ki na aa bi ke Ijipt aatiŋ ki ni nan bi ki ponn ni na aah bi pu na.

Ikaal 5:21

“‘Aa taa cha aanimbil li man aaŋeen aatɔ aadichal, bee upuu, bee waakpaakon, bee waanaagbiib, bee waawakor, bee waah kpa tiwan nimɔk na pu.’

1 Timoti 6:9

Binib bi aanimbil man liwankpal pu na ga kan ntɔŋ, ki lir. Binimbil ga li man kijɔrk aawan sakpenn le pu. Ni ye fam la, ki ga bii bi. Tiwan ngbaan aaboln le cha binib bee fam ki kan ntafadaan mu kaa kpa ndoon na.

1 Samuel 29:6

Nima pu na, Akis nan yin David le ki bui u ke, “M puu Israel yaab Aawumbɔr u bi n‑yoonn mɔmɔk na ke aa kii tii mi mbamɔm, le ni ba ga li mɔ mi ke ni dii mi buen ki ti jan butɔb bue ni. Saah fuu ni do bundaln ki nan saa din wee na, maa kan saataani ubaa m ga ŋmaa di galn si. Tɔ, bibɔrb biken na aa kii tii si.

1 Samuel 8:14

U ga gaa nimi aakpaakon i ŋan na, ni ŋisubil aakpaakon i ŋan na, ni ŋikpan aasui i ŋan na ni chee, ki di tii waatun aaninkpiib.

1 Samuel 8:6

Baah nan ban pu na aa nan piir Samuel aasui, kina pu le u mee Uwumbɔr,