1 Bibɔrb 2:5 - Uwumbɔr aagbaŋ

⁵ “Tibɔr tibaa ki bi ki kpee. Aa teer Joab aah nan ŋa mi tiwan ni na. U nan ku Israel aajab aaninkpiib bilee: bima le ye Ner aajapɔɔn Abner, ni Jeter aajapɔɔn Amasa. Aa nyi ke u nan ku bi nsuudoon aayoonn, ke u di teen baah nan ku binib butɔb yoonn pu na. U nan ku binib bi kaa tun taani na, le min le ye waah tun taani u na aabɔr, le ki ki jin kina aafalaa.

1 Bibɔrb 2:5 ပူးပေါင်းရင်းမြစ်များ

2 Samuel 17:25

Absalom nan di Amasa le ŋa waajab aaninkpel, Joab aabuul ni. Amasa aate le nan ye Israel aanii u bi yin u ke Jeter na; le una mu ye Nahas aabisal Abigail, u aakpel nan ye Joab aana Seruya na.

2 Samuel 18:12

Le uja ngbaan gar u ke, “Hali aa yaa ba ga tii mi tikur aamombil ngbaan kuruwaa ŋiŋmu kan, maa ba ga di ŋŋaal meeh ubɔr aajapɔɔn. Ti mɔmɔk ba ŋun ubɔr aah bui sin, ni Abisai, ni Itai ke, ‘Min pu, taa ŋa man unachipɔɔn Absalom ngbaan nibaa.’

2 Samuel 18:14

Le Joab bui ke, “Maan ki taan aa chee kpala.” U nan yoor tikpaatunn titaa, le ki ti di ti too yun Absalom aabiŋ, waah laa fu, ki lun likpaln aasub ngbaan pu pu na,

2 Samuel 18:5

U nan bui waajab aaninkpiib Joab, ni Abisai, ni Itai ke, “Min pu, ni taa ŋa unachipɔɔn Absalom ngbaan nibaa.” Le waajab mɔmɔk ŋun waah bui bininkpiib ngbaan pu na.

2 Samuel 2:13

Joab, u aana nan ye Seruya na, ni David aajab aaninkpiib biken nan ti kuun ki keln bi Gibeonn aabukpiik na chee, nin chee bi mɔmɔk kal na. Bibaa nan kal kibukpiik ngbaan aapepel libaa, le biken na mu kal lipepel liken.

2 Samuel 2:18

Seruya aajapɔtiib bitaa bimina, Joab, ni Abisai, ni Asahel nan bi nima. Asahel, u ŋmaa san ke upeeman na,

2 Samuel 20:10

Amasa aa nan gor kiir kijuk ki Joab nan joo uŋaal muken na ni na, le Joab di ki saa gbir upuul, le Amasa aaneer nyan lir ni kitiŋ. U nan kpo libuul ngbaan ni la, le Joab aa ki gir saa u lelee. Le Joab ni unaal Abisai di paan Seba pu.

2 Samuel 3:27

Abner aah fuu ni Hebronn aatiŋ ni na, le Joab di u nyan n‑gbaan, kitiŋ ngbaan aabisamɔb chee, ke waah ban u loon u chee tibɔr le na, le ki saa gbir upuul nima chee. Abner aah nan ku Joab aanaal Asahel pu na, le Joab mu ku u.

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

1 Bibɔrb 1:7

U nan len Joab, u aana nan ye Seruya na, ni utotoor Abiatar chee, le bi kii ke bi ga sil uchaŋ ni, tibɔr ngbaan ni.

1 Bibɔrb 2:32

Uwumbɔr ga daa Joab aatafal, waah nan ku binib bi nte David aa nyi ti ponn ni na pu. Joab nan ku binib bilee bi kaa nan tun taani ubaa ki soor u na: u nan ku Israel aajab aaninkpel Abner, ni Juda aajab aaninkpel Amasa.

Jeremia 2:34

Bigiim ni maa‑kpa‑taani‑dam aasin le bi nimi aawanpeenkaan pu, naa ye binaayukb aasin. “Le nimina mɔmɔk aapuwɔb na,

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Matiu 3:4

Jɔnn nan pee kikpalk ki bi nan di laakumii aakor luu ki na, ki di ligbapapaln buu uchaŋ ni. Waajikaar nan ye itoon ni tisiir la.

Ikaal 27:24

“‘Uwumbɔr aamɔpuur bi unii umɔk loon ki ku unii na pu.’ “Le binib ngbaan mɔmɔk ga kpaan ki kii ke, ‘Amii.’