1 Bibɔrb 2:4 - Uwumbɔr aagbaŋ

⁴ Aa yaa kii Uwumbɔr aamɔb kan, u ga li joo tipuur ti u puu ki tuk mi, ke n‑yaabitiib yaa di bipobil ni bisui mɔmɔk kii waah len pu na mɔmɔk, ki ŋani kina kan, bi ga li ye Israel yaab aajojoob ki cha.

1 Bibɔrb 2:4 ပူးပေါင်းရင်းမြစ်များ

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

2 Samuel 7:25

“Tɔ, Ndindaan Uwumbɔr, cha saah puu tipuur ti m ni n‑yaabitiib pu na gbiin kina n‑yoonn mɔmɔk, ki ŋa saah bui ke aa ga ŋa pu na.

1 Bibɔrb 1:48

le ki mee limeel ke, ‘Cha ti pak Israel yaab Aadindaan Uwumbɔr, u cha maanib ponn ni ubaa gaa maanaan din wee, ki cha m bi ki nan kan kina na.’”

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

1 Bibɔrb 3:14

Le aa yaa kii maamɔb, ki joo maakaal, ni mmɔkm, ke aate David aah nan joo pu na kan, m ga tii si limɔfal li fɔk na.”

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

1 Bibɔrb 6:12

“Aa yaa kii maamɔb ki joo maamɔkm kan, maah nan puu tipuur ti tii aate David na, m ga ŋa kina tii si.

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

1 Bibɔrb 8:25

Tɔ, Israel yaab Aadindaan Uwumbɔr, m mee ke aa ga li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr, ki joo bi.

1 Bibɔrb 9:5

m ga li joo tipuur ti m nan puu tii aate David, ki bui ke uyaabitiib le ga li joo Israel aanib n‑yoonn mɔmɔk na.

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

2 Bibɔrb 23:25

Ubɔr ubaa aa nan ki bi ki di usui mɔmɔk, ni waalandak mɔmɔk, ni waapɔɔn mɔmɔk tii Uwumbɔr, ki joo Moses Aakaal ke uma na; ubaa aa nan puen u ki jin nnaan ki bi ke uma na, le waah kpo na, ubaa aa ki paan u pu ki bi kina.

2 Bibɔrb 23:3

U nan si gbɔk nnaan aajaatɔlk chee le ki puu tipuur tii Uwumbɔr ke u ga di usui kii waamɔb ki li joo waakaal ni waamɔkm, ki ŋa tipuur ngbaan aah ban pu, aan ni ŋmee dɔ kigbaŋ ngbaan ni na. Le binib ngbaan mɔmɔk mu puu ke bi ga li joo tipuur ngbaan.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 17:3

Jehosafat aah nan laa jin nnaan na u dii nsan mu uyaaja David nan dii mu na, kaa dooni liwaal Baal, nima pu na le Uwumbɔr nan ŋa waanyoor ŋa u pu.

2 Bibɔrb Aabɔr 6:16

Tɔ, Israel yaab Aadindaan Uwumbɔr, li joo tipuur tiken ti aa nan puu tii nte, ki bui u ke uyaabitiib yaa joo saakaal ke waah joo i pu na kan, bi ponn ni ubaa ga li bi n‑yoonn mɔmɔk ki ye Israel yaab aabɔr ki joo bi.

2 Bibɔrb Aabɔr 7:18

m ga li joo tipuur ti m nan puu tii David ki bui u ke uyaabitiib le ga li joo Israel aanib n‑yoonn mɔmɔk na.

Ilahn 119:9

Binib bi laa diin na yaa ban baabimbin li ŋan kan, see bi kii saakaal.

Ilahn 37:22

Uwumbɔr aah ŋa waanyoor ŋa binib bi pu na le ga li yeh kitiŋ kee, le waah puun lii binib bi pu na ma ga yaa koo timoor ni.

Ilahn 37:9

Binib bi di naadii tii Uwumbɔr na le ga li yeh kitiŋ kee, le Uwumbɔr ga jenn nyan bibiindam ma.

Ilahn 39:1

M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Jeremia 33:17

Min Uwumbɔr puu ke Ubɔr David aayaabitiib ga li bi n‑yoonn mɔmɔk ki ji Israel yaab aanaan.

Liifai Yaab 26:3

“Ni yaa bi maakaal aah mɔk nimi pu na, ki kii maah len pu na mɔmɔk kan,

Sekaria 14:2

Uwumbɔr ga kuun ŋitimbol mɔmɔk nan kpaan, le ŋi tak Jerusalem. Bi ga nyaŋ kitiŋ ngbaan, le ki yoor ŋidichal ni tiwan mpɔɔn, ki chur bipiib mpɔɔn ki doon bi chee. Bi ga di binib ngbaan ligetekr libaa buen tinaagbiir ni, kitiyayaŋ ni, le ligetekr li gur na ga gaar kitiŋ ngbaan ni.

Matiu 22:37

Le Yesu bui u, “‘Aa li gee Aadindaan Uwumbɔr aasui mɔmɔk ni, ni saawiin mɔmɔk, ni saalandak mɔmɔk.’

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Ikaal 10:12

“Israel yaab, li pel man Nidindaan Uwumbɔr aah ban ni li bi pu na: Ni li dooni Uwumbɔr, ki li ŋani waah bui ke ni ŋa pu na. Ni li gee u, ki li joo nisui mɔmɔk tun waatuln.

Ikaal 11:13

“Kina pu na, ni li joo waakaal i m di tuk nimi din wee na mbamɔm, ki li gee Nidindaan Uwumbɔr, ki li joo nisui mɔmɔk tun waah ban pu na.

Ikaal 6:5

Ni li gee Nidindaan Uwumbɔr nimi aasui mɔmɔk ni, ni nimi aawiin mɔmɔk, ni nimi aapɔɔn mɔmɔk.

Ikaal 7:12

“Ni yaa ŋun ki joo ikaal yee mbamɔm kan, Nidindaan Uwumbɔr ga li beenin joo waah puu tipuur ti na, ki ga mɔk nimi waageehm mu bi n‑yoonn mɔmɔk na, ke waah nan puu pu tii niyaajatiib na.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.