1 Bibɔrb 2:31 - Uwumbɔr aagbaŋ

³¹ Le Solomonn bui ke, “Ŋa Joab aah len pu na. Ku u ki sub u, aan min ni David aayaabil ubaa aan ki li yeh Joab aah nan ku binib bi kaa tun taani na aabɔr.

1 Bibɔrb 2:31 ပူးပေါင်းရင်းမြစ်များ

2 Samuel 3:28

David aah ŋun tibɔr ngbaan na, le u bui ke, “Uwumbɔr nyi ke m ni maanib aaŋaal aa bi Abner aakun mue ni.

2 Samuel 3:29

Waakun ngbaan aatafadaan lir Joab ni waadichal pu. N‑yoonn mɔmɔk kan, waamaal ponn ni aajab ubaa li kpa ulool aabuun, bee tiwon aaween i bir na ibaa, bee u li ye uja u ga ŋmaa tun bipiib aatuln baanja na, bee bi ku u butɔb ni, bee u taa li kpa u ji.”

1 Bibɔrb 2:30

U nan buen Uwumbɔr Aabool ni, le ki ti bui Joab ke, “Ubɔr bui ke aa nya ni.” Le Joab bui ke, “Aayii, m ga kpo do la.” Le Benaya gir buen ubɔr chee, ki ti bui u Joab aah len pu na.

2 Bibɔrb 9:26

‘M kan baah ku Nabof ni ujapɔtiib fen na pu na. Le m puu ke m ga daa aatafal nkpaakon baan mue ni.’” Le Jehu bui waaja ngbaan ke, “Yoor Joram ki di mee Nabof aakpaakon ni, aan ni gbiin Uwumbɔr aah nan puu pu na.”

Nnyam 21:14

Tɔ, unii aaŋuul yaa fii, le u nyi ki ku uŋeen aatɔ kan, bi ku u mu, hali u yaa san buen maatork aabimbiln chee ke u ŋmar kan, ni ku u.

Ŋiyataŋak 28:17

Unii u ku uŋeen aatɔ na bi gbii ubaa aabuu la. Taa bui u ke u di cha.

Nkahm 35:33

Ni yaa ŋa kina kan, ni ga bii kitiŋ ki ni koo ki ponn ni na. Linikul bii kitiŋ la, le unii yaa ku uken kan, see bi ku udaan ngbaan mu, naa ye kina kan, kitork kibaa aa ki bi, ni ga ŋmaa toor ki ŋaŋ baah ku unii kitiŋ ki pu na.

Lituln 28:4

Waah juu dab uŋaal ki jɔn na, le kitiŋ ngbaan ponn ni aanib kan, ki bui tɔb ke uja ngbaan ye unikur, le ki nyan ni nnyusakpem ni; Uwumbɔr mu aan cha u ŋmar.