1 Bibɔrb 2:3 - Uwumbɔr aagbaŋ

³ ki ŋa Aadindaan Uwumbɔr aah bui si ke aa ŋa pu na. Li dii waakaal, ni waamɔkm mɔmɔk, baah ŋmee i pu Moses Aakaal ponn ni na, aan ki kan tinyoor saatuln mɔmɔk ni, ni nin chee mɔk aa buen na.

1 Bibɔrb 2:3 ပူးပေါင်းရင်းမြစ်များ

2 Samuel 8:14

U nan kaan kaan bijab Edom aatim mɔmɔk ni, le Edom yaab kpaln waatutum. Uwumbɔr nan tii David linyaŋ nimɔk u buen na.

2 Samuel 8:6

le ki kaan kaan bijab baatim ni, le bi kpaln waatutum ki pa lampoo tii u. Uwumbɔr nan tii David linyaŋ, ni kookoo.

1 Bibɔrb 3:3

Solomonn nan gee Uwumbɔr, le ki dii nsurm mu ute David nan tii u na, u mu nan tee kɔr tiwakor toor kitork ŋibimbin yayan pu.

2 Bibɔrb 18:7

Kina pu na, Uwumbɔr nan bi u chee, le u nan nyaŋni tiwan ni mɔmɔk u nan ŋa na ni. U nan nyan Asiria aatiŋ aabɔrkpaan aapuwɔb, ki yii kaa di ubaa tii u.

1 Bibɔrb Aabɔr 29:19

Tii njapɔɔn Solomonn nsuubaan aaneen aan u di kii saah siin tiwan ni mɔmɔk na, ki cha u maa Saadichal li m gor tiwan nee mɔmɔk siin na.”

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 119:138

Saah tii ikaal i na ŋan le ki si chob.

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 19:7

Uwumbɔr aakaal si chob la; le ki tii binib mpɔɔn pɔɔn. Aa ga ŋmaa mak Uwumbɔr aakaal pu, mu tii nlan aah par binib bi na nlan.

Ulandaan 12:13

Nimina mɔmɔk aapuwɔb na, tiwan nibaa baanja le gur ti len naabɔr. Li san Uwumbɔr, ki li dii waakaal, ba pu? kina pu le u nan naan unibɔn.

Liifai Yaab 8:35

Ni li bi Libool ngbaan ni, laachiln ni, nwiin pu ni kinyeek, ki ti saa iwiin ilole, aan ki li ŋani Uwumbɔr aah mɔk pu na. Ni yaa yii kan, ni ga kpo. Uwumbɔr aah tuk mi pu na le na.”

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Ikaal 29:8

Le ti nan nyaŋ bi, ki gaa baatim, le ki yakr baatim ngbaan tii Rubenn aanibol, ni Gad aanibol, ni Manase aanibol ligeln.

Ikaal 29:9

Ni li joo tipuur tee aah mɔk nimi pu na mbamɔm, nima kan, ni ga ŋmaa nyaŋ nimi aatuln mɔmɔk.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 4:8

Linibokpaan liken aa bi ki kpa ikaal i ŋan ke maah di i mɔk nimi din wee na.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Josua 22:5

Ni chuu nibaa man, ki kii, ki li joo ikaal i Moses nan di mɔk nimi na: ni li gee Nidindaan Uwumbɔr, ki ŋa waageehn, ki kii tii waakaal, ki li joo waasan mbamɔm, aan ki li dii u nisui ni, ni nimi aawiin mɔmɔk.”

Josua 23:6

Kina pu na, ni pɔɔn nibaa ki kii waamɔb, ki ŋa Moses aakaal aagbaŋ aah tuk nimi ke ni ŋa pu na. Ni taa yii nkaal ngbaan mubaa,

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 18:30

Filistia aajab nan choo nan tak Israel yaab, le butɔb mɔk ponn ni kan, David le nan kani linyaŋ ki jer Sɔɔl aajab aaninkpiib biken na. Kina pu na, David nan kan liyimbil pam.

1 Samuel 18:5

Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.