1 Bibɔrb 2:25 - Uwumbɔr aagbaŋ

²⁵ Kina pu le Ubɔr Solomonn nan tii Benaya nsan, le u nyan ki ti ku Adonija.

1 Bibɔrb 2:25 ပူးပေါင်းရင်းမြစ်များ

2 Samuel 1:15

David nan yin waajab ponn ni ubaa ki bui u ke, “Ku u.” Le uja ngbaan saa ku Amalek aanii ngbaan.

2 Samuel 12:10

Nima pu na, n‑yoonn mɔmɔk ni, saanib bibaa ga kpo mpɔɔnkun; ba pu? aa yii maamɔb ki gaa Uria aapuu.

2 Samuel 4:12

David nan tii nsan, le waajab ku Rekab ni Baana, le ki gii gii biŋaalfaal ni bitaafaal, ki di leen Hebronn aabukpiik na chee. Bi nan yoor Isbosef aayil ti sub Abner aakaakul ni, Hebronn aatiŋ ni.

2 Samuel 8:18

le Jehoyada aajapɔɔn Benaya nan ye bijab bi kii David na aaninkpel, le David aajapɔtiib mu nan ye bisusurb.

1 Bibɔrb 2:29

Tibɔr ngbaan aah fuu Ubɔr Solomonn chee, ke Joab san buen Uwumbɔr Aabool ni, ki ti bi kitork aabimbiln taab na, le u tun ntuun ke mu ti baa Joab, ke ba ŋa aan u san buen kitork aabimbiln taab. Joab nan gar u ke u san Solomonn le ijawaan, le ki san buen Uwumbɔr chee. Le Ubɔr Solomonn tun Benaya ke u ti ku Joab.

1 Bibɔrb 2:31

Le Solomonn bui ke, “Ŋa Joab aah len pu na. Ku u ki sub u, aan min ni David aayaabil ubaa aan ki li yeh Joab aah nan ku binib bi kaa tun taani na aabɔr.

1 Bibɔrb 2:34

Le Benaya buen Uwumbɔr Aabool ni, ki ti ku Joab, le bi di u sub udo aatiŋ ni, kinanchaŋ ni.

1 Bibɔrb 2:46

Le ubɔr tii Benaya nsan, le u nyan ki ti ku Simei. Solomonn le nan gur yeh ni mɔmɔk.

Bibɔjirb 15:12

Bi nan bui u ke, “Ti dan ke ti nan buu si iŋmin, le ki di si ti tii bi.” Samsonn nan bui bi ke, “Puu tii mi man ke nimi nibaa aan ku mi.”

1 Samuel 15:33

Le Samuel bui u ke, “Saajaak aajuk aah cha natiib kpaln bipiib kaa kpa mbim pu na, kina le aana mu ga kpaln upii u kaa kpa ubo na,” le ki chɔi chɔi Agag, kitork aabimbiln chee, Gilgal aatiŋ ni.