1 Bibɔrb 19:4 - Uwumbɔr aagbaŋ

⁴ le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

1 Bibɔrb 19:4 ပူးပေါင်းရင်းမြစ်များ

1 Bibɔrb 13:14

le ki nan paan Uwumbɔr aabɔnabr u nyan ni Juda aatiŋ ni na pu ki ti kan u, u ka likpaln aasub bubaa taab. Le u baa u ke, “Si le ye Uwumbɔr aabɔnabr u nyan ni Juda na aa?” Le uja ngbaan kii ke, “Min ye.”

1 Bibɔrb 19:3

Elaija nan san ijawaan, le ki san; u nan di waatutunn buen Beerseba aatiŋ ki bi Juda aatiŋ pu na. U nan di waatutunn ngbaan lii nima,

1 Bibɔrb 19:5

U nan doon busub ngbaan taab le ki kpaan geen. Libuul ngbaan ni le Uwumbɔr aatuun meeh u le ki len ke, “Fii ki ji.”

2 Bibɔrb 2:11

Bi nan chuun cha le ki beenin gbaa tibɔr; libuul ngbaan ni le mmii aataan aatɔroku, u mmii aataan dar u na nan koo bikaasisik ni, le kinaakpaajabuŋ yoor Elaija di buen paacham.

Job Aagbaŋ 6:8

Ba ŋa Uwumbɔr aan tii mi maah mee tiwan ni na? Ba ŋa waan gar maameel?

Job Aagbaŋ 6:9

U yaa ba kii ki ku mi kan, m ba gee.

Jeremia 20:9

Le m yaa tee bui ke, “M ga suln Uwumbɔr bɔr, kaan ki len tibɔr waayimbil pu” kan, le saabɔr bi ke mmii na ki wu nsui ni. M pɔɔni mbaa ke m taa len ti, le kaa ti ki ŋmaa joo ti.

Amos 6:2

li cha ti lik man Kalne aatisakpeŋ na, ki buen man Hamaf aatisakpeŋ ki kpa mpɔɔn na, ki sunn buen Filistia yaab aatisakpeŋ Gaf chee. Mu aa ŋan ki jer Juda ni Israel aanaan. Le mu aatingbaan mu aa wiir jer nimi yoo.

Jona 4:3

Uwumbɔr, cha m kpo. M yaa ba tee kpo kan, ni ba soor ni ke m li kpa limɔfal.”

Jona 4:8

Nwiin aah puu na, le Uwumbɔr cha liwipuul wɔb aabuln li ton na dan, le ki nan see Jona aayil, le u ti ban u fik. Le u mee Uwumbɔr ke u ba kpo. U nan bui ke, “M yaa ba tee kpo kan, ni ba soor ni ke m li kpa limɔfal.”

Nahum 3:8

Ninefa aatiŋ, aa jer Ijipt aatiyil Tebes aa? Ki mu nan kpa limɔɔl li kii ki ke ligoln na. Nail aamɔɔl le nan ye kaakikiir.

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”

Matiu 6:26

Lik inyoon i laani paacham na aah bi pu na. Yaa ko tijikaar ki mu aa chee, ki mu aa faa njikaabim fuu ŋipil ni. Nite Uwumbɔr u bi paacham na le kpiini i. Naa jer i ii?

Jɔnn 4:6

Jakob aanyunbun mu bi nima chee. Le Yesu aah chuun na, u bak a. Nima le u kal nnyunbun ngbaan aamɔgbeln pu. Nwiin nan bi kaasisik ni.

Rom Yaab 3:9

Tɔ, timi Juu yaab ŋan ki jer binib bi kaa ye Juu yaab na aa? Taa jer bi. M nan mɔk nimi ke binib bi ye Juu yaab na, ni bi kaa ye Juu yaab na mɔmɔk ye titunwanbirdam la.