1 Bibɔrb 18:1 - Uwumbɔr aagbaŋ

¹ Ni nan bi cha ki ti saa ntaaweel ngbaan aabitatar ni, le Uwumbɔr bui Elaija ke, “Buen ki ti di aabaa mɔk Ubɔr Ahab aan m cha utaal sunn ni.”

1 Bibɔrb 18:1 ပူးပေါင်းရင်းမြစ်များ

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 17:15

Ukpopii ngbaan nan buen le ki ti ŋa Elaija aah bui u pu na, le bi mɔmɔk nan kani ki ji ni ti yunn.

1 Bibɔrb 17:7

Ni nan bi cha le mbun ngbaan foor ki kuur ntaaweel na pu.

1 Bibɔrb 18:2

Le Elaija nan fii ki cha. Nkon mu nan bi Samaria aatiŋ pu na nan ti nyaŋ sakpen,

1 Bibɔrb 8:36

saah bi paacham na, pel baameel. Di ubɔr ni Israel aanib aatunwanbir cha pinn bi. Uwumbɔr, mɔk bi ke bi tun tiwan ni ŋan na, ki cha utaal nu saatiŋ ki aa di tii saanib ke ki li ye biyaan n‑yoonn mɔmɔk na pu.

Aisaya 5:6

Maan ki kuur ki ponn ni aan timoor muun ki ponn ni. Maan ki per isui ngbaan aan i ki kpenn, kaan ki toor i taab; m ga cha ukokongɔkr ni ikokon gaa ki ni. M ga jenn utaal u taa ki nu ki ponn ni.”

Jeremia 10:13

U yaa len kan, le nnyun mu bi kitaapaak na ŋuuni ke uchinn na; u nyani ntaalangbam kitiŋ aanaanmɔk. Utaal yaa nu kan, u cha u moor ki cha libuln nyani waah siin li nin chee na.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Joel 2:23

Sionn aatiŋ aanib, cha nisui li piin man, li mɔɔni Nidindaan Uwumbɔr aah ŋa pu tii nimi na pu. U tii nimi kiseek ni aataal, ki ŋeer naah ban pu na; ki cha utakuutaal ni unaalantaal mu nun mbamɔm ke waah ti nu pu na.

Liifai Yaab 26:4

m ga cha utaal nu waayoonn, nima kan, kitiŋ ngbaan ga ŋa tijikaar, le isui mu ga lu ŋisubil.

Amos 4:7

Min le nan chuu utaal buyoonn nimi aajikaar nan ban utaal sakpen na. M nan cha utaal nu kitiŋ kibaa ni, kaa nu kiken ni. Utaal nan nun bukpaab bubaa ni, le buken ma kuur.

Tibɔnyaan ti Luk ŋmee ti na 4:25

“Li pel man, Elaija aayoonn na, utaal aa nan nun ŋibin ŋitaa ni iŋmal iloob. Le nkon sakpem lir kitiŋ ngbaan ni. N‑yoonn ngbaan Israel yaab ponn ni bikpopiib nan bi ki wiir.

Ikaal 28:12

U ga cha utaal nyan ni paacham ki nan nu n‑yoonn mu ŋeer na, le nimi aatiŋ ga ŋa tijikaar pam, nima kan, ni ga pinn tii ŋinibol pam, le nimi ma aan buen bi chee ke ni ti pinn nibaa.

Jemisi 5:17

Elaija nan ye unibɔn ke ti mu aah ye pu na la. Le u mee Uwumbɔr linimaln ke utaal taa nu. Le ŋibin ŋitaa ni iŋmal iloob utaal aa nan nun kitiŋ ngbaan ni.

Tibɔkpiirkaan 11:2

Taa ŋaŋ kikaakpaak ki bi lipaal na aafɔfɔk; ba pu? Uwumbɔr di kikaakpaak ngbaan tii binib bi kaa ye Juu yaab na la. Le bi ga bii Uwumbɔr aatinyaan ki ti saa iŋmal imonko ilee ni ilee.

Tibɔkpiirkaan 11:6

Biseeraadam bilee ngbaan nan kpa mpɔɔn bi kiir utaal u taa nu buyoonn bi bi mooni Uwumbɔr aabɔr na, ki kpa mpɔɔn ki cha nnyun kpaln nsin, ki kpa mpɔɔn ki cha falaa aabɔŋ mɔmɔk lir dulnyaa wee ni, n‑yoonn mumɔk bi gee na.