1 Bibɔrb 16:9 - Uwumbɔr aagbaŋ

⁹ Simri, u nan ye waaninkpiib ponn ni ubaa, ki ye ubɔr aataan aatɔroku tiib ligeln aayidaan na, nan ban u pu isan i kaa ŋan na. Daalbaadaal, le Ela nan bi waaninkpel Arsa do Tirsa aatiŋ ni, ki ban u gbii ndaan. Arsa le nan ye libɔrdichal aayidaan.

1 Bibɔrb 16:9 ပူးပေါင်းရင်းမြစ်များ

Mpiin 15:2

Tɔ, Abram nan bui ke, “Ndindaan Uwumbɔr, aa ga tee tii mi ba aapiin? Aa mu kan ke maa kpa ubo. Elieser u ye Damaskus aanii na le ye maafaajir.

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 24:2

U nan bui waanaagbiijapol u lik waatuln mɔmɔk na, ke u di uŋaal ŋa uma Abraham aataapaln taab, ki puu tipuur ke,

Mpiin 39:4

Potifa aanimbil nan gbiin waatuln, le u di u ŋa ubaa aanaagbiija, nima pu na, u nan di waachiln, ni tiwan mɔmɔk, le ki di ŋa Josef aaŋaal ni.

Mpiin 39:9

M kpa mpɔɔn lichiln limina ponn ni ke m ŋa maah ban pu na, see sin upuu baanja le maa ŋmaa ŋa nibaa aa chee. Ba ŋa aa ban ke m tun kidagook aatuln li ye titunwanbir na Uwumbɔr aanimbiin ni?”

1 Bibɔrb 15:27

Ahija aajapɔɔn Baasa u ye Isakar aanibol ni aanii na nan ban isan i kaa ŋan na Nadab pu le ki ku u. Nadab ni waajab nan gob Gibetonn aatiŋ ki bi Filistia aatiŋ pu na, le u ti ku u.

1 Bibɔrb 16:10

Simri nan koo lidichal ngbaan ni le ki ti ku Ela, le ki nab waanaan pu. Juda yaab aabɔr Asa aanaan ni aabin moninko ni ŋilole ni le nan bi na.

1 Bibɔrb 16:8

Ubɔr Asa aah nan ye Juda yaab aabɔr pu na aabin moninko ni ŋiloob ponn ni, le Baasa aajapɔɔn Ela nan jin Israel aanaan, ki nan bi Tirsa aatiŋ ni, ki joo waanib ki ti saa ŋibin ŋilee.

1 Bibɔrb 18:3

kina pu le Ahab yin ni libɔrdichal aayidaan Obadia. Obadia nan dii Uwumbɔr ni usui mɔmɔk la,

1 Bibɔrb 20:12

Buyoonn Ben‑Hadad ni umaantɔtiib, bijojoob biken na, nan ka baakeken aaboo ni ki nyu ndaan na le ituun na nan di Ahab aagarm ngbaan tii bi. U nan bui waajab ke bi gor ki ti tak kitiŋ ngbaan, kina pu na, bi nan lul sil.

1 Bibɔrb 20:16

Butɔb ngbaan nan piin nwiin pu la, buyoonn Ben‑Hadad ni umaantɔtiib piitaa ni bilee na nan bi gbii ndaan baakeken aaboo ponn ni na.

2 Bibɔrb 12:20

Ubɔr Joas aajab aaninkpiib nan kpokl u pu, le bi ponn ni bilee, Simeaf aajapɔɔn Josakar, ni Somer aajapɔɔn Jehosabad ti ku u lidichal li bi nan maa li kifataŋ aatiŋ ki bi Jerusalem aawipuul wɔb aan bi nan ŋeeb na ponn ni. Li nan bi nsan mu cha Sila aatiŋ ni na chee la. Bi nan sub Joas nnaan aacheek ni, David Aatiŋ ni la, le ujapɔɔn Amasia nab waanaan pu.

2 Bibɔrb 15:10

Le Jabes aajapɔɔn Salum nan nyan sil Ubɔr Sekaria pu, le ki nan ti ku u Ibleam aatiŋ ni, ki nab waanaan pu.

2 Bibɔrb 15:25

Pekahia aajab aaninkpel u bi nan yin u ke Peka, aan ute ye Remalia na nan lok u ibuu, le ki kan bijab piiŋmu Gilead aatiŋ ni, le bi ti ku Pekahia ni Agob ni Arie, libɔrdichal aadiik ki kpa mpɔɔn na ni, Samaria aatiŋ ni, le u nab waanaan pu.

2 Bibɔrb 15:30

Usia aajapɔɔn Jotam aah nan ye Juda aatiŋ aabɔr pu na aabin moninko ni, le Ela aajapɔɔn Hosea nan lok Ubɔr Peka pu ibuu, le ki ku u, ki nab waanaan pu.

2 Bibɔrb 9:14

Le Jehu nan kpokl Ubɔr Joram pu. Joram nan bi Jesreel aatiŋ ni ke u ti teb ubaa, waah nan kan titotonn ti Ramof aatɔb bu ponn ni, u ni Siria aatiŋ aabɔr Hasael nan ti di biyil kpaa tɔb na ni. Kina pu na, Jehu nan bui uŋeen aatɔtiib bininkpiib ngbaan ke, “Ni yaa si nchaŋ ni kan, ni li nyi ubaa taa nya Ramof ki loon buen Jesreel ki ti nyaa binib ngbaan,”

Ŋiyataŋak 31:4

Lemuel, li pel. Naa ŋan ke bibɔrkpaam li nyu ndaan, bee bi li neen ndaan sakpen.

Jeremia 51:57

M ga cha kaajojoob ni bijab bi kpa nlan, ni bisalolm, ni baajab nyu ki ti gbii. Bi ga ti doon geen le kaan ki fii kpala. Min, Ubɔr ngbaan le len kina, min le ye Uwumbɔr Mpɔɔnsakpiindaan.

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Tibɔnyaan ti Luk ŋmee ti na 21:34

“Ni li nyi man, ki taa nyu ndaan gbii ki li kpa ndaan aaween, ki taa cha nimi aabimbin aabɔr gbiin nimi aalandak mɔmɔk, aan maagirndaal taa yuk nipobil.