1 Bibɔrb 16:8 - Uwumbɔr aagbaŋ

⁸ Ubɔr Asa aah nan ye Juda yaab aabɔr pu na aabin moninko ni ŋiloob ponn ni, le Baasa aajapɔɔn Ela nan jin Israel aanaan, ki nan bi Tirsa aatiŋ ni, ki joo waanib ki ti saa ŋibin ŋilee.

1 Bibɔrb 16:8 ပူးပေါင်းရင်းမြစ်များ

1 Bibɔrb 15:16

Buyoonn Juda yaab aabɔr Asa, ni Israel yaab aabɔr Baasa nan bi mpɔɔn ni na, bi nan joo tɔb kijaak la.

1 Bibɔrb 15:33

Ubɔr Asa aah nan ye Juda yaab aabɔr pu na aabitatar ponn ni le Ahija aajapɔɔn Baasa jin Israel aanaan, le ki nan bi Tirsa aatiŋ ni ki joo waanib ki ti saa ŋibin moninko ni ŋinaa.

1 Bibɔrb 16:15

Ubɔr Asa aah nan ye Juda yaab aabɔr pu na aabin moninko ni ŋilole ni, le Simri jin Israel aatiŋ aanaan ki bi Tirsa aatiŋ ni ki joo waanib ki ti saa iwiin ilole. Israel aatɔb aajab nan bi gob Gibetonn aatiŋ ki bi Filistia aatiŋ pu na,

1 Bibɔrb 16:21

Israel aanib nan yakr la: bibaa nan ban ke bi di Ginaf aajapɔɔn Tibni le kaan nnaan, le biken mu nan gee Omri.

1 Bibɔrb 16:23

Ubɔr Asa aah nan ye Juda yaab aabɔr pu na aabin piitaa ni libaa ni, le Omri jin Israel aatiŋ aanaan, le ki ka lijal pu ki ti saa ŋibin kipiik ni ŋilee. Njan aabin ŋiloob na ni, u nan bi Tirsa aatiŋ ni la,

1 Bibɔrb 16:6

Baasa nan kpo le bi sub u Tirsa aatiŋ ni, le ujapɔɔn Ela nab waanaan pu.

1 Bibɔrb 16:7

Baasa aah nan tun Uwumbɔr titunwanbir ti na pu le Uwumbɔr aabɔnabr Jehu di Uwumbɔr aabɔr ti ga pii u ni waadichal na len. Naa ye waah nan tun titunwanbir ke Jeroboam u nan puen u jin nnaan na aah nan tun pu na pu baanja le nan fiin Uwumbɔr aaŋuul, waah nan ku Jeroboam aadichal mɔmɔk pu na mu nan kpee.

1 Bibɔrb 16:9

Simri, u nan ye waaninkpiib ponn ni ubaa, ki ye ubɔr aataan aatɔroku tiib ligeln aayidaan na, nan ban u pu isan i kaa ŋan na. Daalbaadaal, le Ela nan bi waaninkpel Arsa do Tirsa aatiŋ ni, ki ban u gbii ndaan. Arsa le nan ye libɔrdichal aayidaan.

2 Bibɔrb 15:14

Gadi aajapɔɔn Menahem nan nyan Tirsa aatiŋ ni le ki buen Samaria aatiŋ ni, le ki ti ku Salum ki nab waanaan pu.

2 Bibɔrb 15:23

Juda yaab aabɔr Usia aanaan aabin piiŋmu ni, le Menahem aajapɔɔn Pekahia jin Israel aanaan, le ki nan bi Samaria aatiŋ ni ki joo waanib ki ti saa ŋibin ŋilee.

2 Bibɔrb 21:19

Amonn nan ye ŋibin moninko ni ŋilee aanii le ki jin Juda aatiŋ aanaan, le ki koo Jerusalem aatiŋ ni ki joo waanib ki ti saa ŋibin ŋilee. Una le nan ye Jotba aatiŋ aanii Harus aabisal Mesulemef.

Ŋiyataŋak 28:2

Litimbol li tun titunwanbir na aaninkpiib kpelni mala mala la. Le bilandam ni bichiindam aatiŋ ma kpa mpɔɔn ki yunni.